ტრანსგანდერი ქალის, კესარია აბრამიძის სასტიკ მკვლელობას ეხმაურება ანა იანუშაიტიტის დედა, ნატო ხუტაშვილი, რომლის 12 წლის ქალიშვილიც 17 მარტს დიდ დიღომში, პეტრიწის ქუჩაზე გაურკვევლ ვითარებაში იქნა გარდაცვლილი. კესარიას მეგობრის თქმით, მასთან ბოლო მიმოწერის შედეგად ის ფლობდა აბრამიძის ტოქსიკურ ურთიერთობის შესახებ ინფორმაციას:

"ასეთ მოძალადეებს ზრდიან ქალები, რომლებიც წერენ, რომ [კესარია] აქამდე იყო მოსაკლავი და ა.შ. კესო ხშირად დადიოდა ჩემთან, ბოლო პერიოდში მხოლოდ მიმოწერა გვქონდა და ვიცი, რომ ტოქსიკურ ურთიერთობაში იყო. ეს უნდა შეწყდეს! ასე არ შეიძლება! გაზარდეთ ქალებო კაცები, ნუ ზრდით ლაჩრებად!" – აცხადებს მოკლული არასრულწლოვნის, ანა იანუშაიტიტეს დედა, ნატო ხუტაშვილი palitravideo.ge-სთან.

ცნობისთვის, კე­სა­რია აბ­რა­მი­ძე ჯერ კი­დევ აპ­რილ­ში წერ­და, რომ ის ტოქ­სი­კურ ურ­თი­ერ­თო­ბა­ში იყო და ამის გამო, გარკვეული პერიოდით სა­ქარ­თვე­ლოს და­ტო­ვე­ბაც კი მო­უ­წია. მოგ­ვი­ა­ნე­ბით, მან ეს სტა­ტუ­სი წა­შა­ლა...

"მო­გე­სალ­მე­ბით მე­გობ­რე­ბო თით­ქმის 2 წე­ლია ვი­ყა­ვი ტოქ­სი­კურ ურ­თი­ერ­თო­ბა­ში, ხში­რად მე­კი­თხე­ბი­ან რა­ტომ გავ­ქრი ტე­ლე­ეკ­რა­ნე­ბი­დან. მი­ზე­ზი სწო­რედ ეს იყო. გა­გიკ­ვირ­დე­ბათ და ვი­ყა­ვი მა­ნი­პუ­ლა­ცი­ის და ძა­ლა­დო­ბის მსხვერ­პლი. მე დავ­ტო­ვე ქვე­ყა­ნა სწო­რედ ამ მი­ზე­ზით, რომ თავი და­მეღ­წია შექ­მნილ რთულ სი­ტუ­ა­ცი­ას, აუ­ცი­ლებ­ლად დავ­ბრუნ­დე­ბი და სა­თა­ნა­დო ზო­მებს მივ­მარ­თავ და აუ­ცი­ლებ­ლად ვი­სურ­ვებ სა­ჯა­როდ ამ თე­მა­ზე არა ძა­ლა­დო­ბას!

აქვე მად­ლო­ბა ჩემს კა­რის მე­ზო­ბელს რო­მელ­მაც გა­და­მარ­ჩი­ნა, როცა ბო­ლოს სახ­ლში მო­მი­ვარ­და, თო­რემ შე­იძ­ლე­ბა დღეს ცო­ცხა­ლიც არ ვყო­ფი­ლი­ყა­ვი. სა­დღაც ერთი თვის წინ ტვი­ნის შერ­ყე­ვით თვი­თონ­ვე მი­მიყ­ვა­ნა ღუ­დუ­შა­ურ­ში, რაც და­ფიქ­სი­რე­ბუ­ლია ამ კლი­ნი­კა­ში. ამ პოსტს იმი­ტომ ვწერ, რომ ვიყო სხვა ქა­ლე­ბის­თვის მა­გა­ლი­თი და წლე­ბი ნუ გა­ა­ტა­რებთ მა­ნი­პუ­ლა­ტორ ნარ­ცის მო­ძა­ლა­დეს­თან! არა ქალ­თა კვლას რაც ასე გახ­ში­რე­ბუ­ლია ჩვენს ქვე­ყა­ნა­ში. მი­უ­ხე­და­ვად იმი­სა ფაქ­ტია, რომ ბევ­რი ქა­ლის­თვის სა­მა­გა­ლი­თო ვარ და უძ­ლი­ე­რეს ქალ­თან ვა­სო­ცირ­დე­ბი ჩემ­თა­ნაც მოხ­და ეს" - წერ­და აბ­რა­მი­ძე.

სოციალურ ქსელში ვრცელდება ფოტო, რომელიც კესარია აბრამიძემ გარდაცვალებამდე ცოტა ხნით ადრე გამოაქვეყნა. ის ფოტოზე მამაკაცთან ერთადაა, თუმცა მისი ვინაობის შესახებ მანამდე არ უსაუბრია. გარდაცვლილი კესარია აბრამიძის მეგობრები ამბობენ, რომ ის სახლში, სადაც მოკლული იპოვეს, მეგობარ მამაკაცთან ერთად ცხოვრობდა, თუმცა ბოლო დროს მათ ურთიერთობაში პრობლემები ჰქონდათ და ცალ-ცალკე ცხოვრება გადაწყვიტეს.

შეგახსენებთ, რომ გუშინ, დიდ დიღომში, ავთანდილის ქუჩაზე მდებარე საცხოვრებელ სახლში ტრანსგენდერი ქალი, კესარია აბრამიძე მოკლეს. არსებული ინფორმაციით, მას 50-მდე სასიკვდილო ჭრილობა ცივი იარაღით ჰქონდა მიყენებული. სამართალდამცველებმა 37 წლის ტრანსგენდერი ქალის მკვლელობის ფაქტზე მისი მეგობარი მამაკაცი 26 წლის ბექა ჯაიანი დააკავეს, რომელთანაც მას რამდენიმეწლიანი ურთიერთობა აკავშირებდა.