უცხოური პრესა არჩევნები ამერიკის შეერთებულ შტატებში 9 სექტემბერი, 18:36 ცარიელი აუდიტორია, გათიშული მიკროფონები და 2-2 წუთი კითხვებზე პასუხის გასაცემად - ეს დონალდ ტრამპისა და კამალა ჰარისის პირველი საპრეზიდენტო დებატების წესების მცირე ჩამონათვალია. შეერთებული შტატების 2024 წლის საპრეზიდენტო არჩევნებამდე 2 თვეზე ნაკლები რჩება. ცხელი სარჩევნო კამპანიის ფარგლებში, ახლადნომინირებულ დემოკრატ კანდიდატ კამალა ჰარისსა და რესპუბლიკელ დონალდ ტრამპს შორის პირისპირ დებატები 10 სექტემბერს, ეი ბი სი ნიუსის ეთერში, საღამოს 9 საათზე (თბილისის დროის 11 სექტემბრის დილის 5 საათი) გაიმართება. 27 ივნისს, დემოკრატიული პარტიის პრეზიდენტობის აწ უკვე ყოფილ კანდიდატ - პრეზიდენტ ჯო ბაიდენსა და ყოფილ პრეზიდენტ დონალდ ტრამპს შორის გამართული ისტორიული დებატები, ბაიდენისთვის კატასტროფულად შეფასდა და მისი პოლიტიკური კარიერის დასასრულის დასაწყისიც აღმოჩნდა. დემოკრატებისთვის ამ რთული გამოცდილების შემდეგ, ამერიკელი ამომრჩეველი და მთელი მსოფლიო, 10 სექტემბრის დებატებს გამადიდებელი შუშით დააკვირდება. პრეზიდენტობის ორივე კანდიდატისთვის გადამწყვეტი მნიშვნელობის მქონე დებატების წარმართვის წესები ეი ბი სი ნიუსმა რამდენიმე დღის წინ გამოაქვეყნა. 4 შეფასება არ არის
|