ზოგჯერ გვიჩნდება სურვილი ცოტა ხნით ჩვენი საყვარელი ფილმების გადასაღებ მოედანზე შევიჭვრიტოთ და გადაღების პროცეს თვალი ცოტა ხნით მაინც შევავლოთ, საბედნიეროდ, ზოგიერთი მომენტი ისტორიას შემორჩა.

მერლინ მონრო და ტონი კერტისი ფილმ "ჯაზში მხოლოდ ქალიშვილები არიან" გადასაღებ მოედანზე

მაგალითად, რეჟისორ ბილი უაილდერის 1958 წლის კომედია "ჯაზში მხოლოდ ქალიშვილები არიან" ყველა დროის ერთ-ერთი საუკეთესო კომედიაა, რომლის ლეგენდარული ციტატაც: "ოჰჰ, ღმერთო, მე კ ა ც ი ვარ! ყველას თავისი ნაკლი აქვს!" წარმოუდგენლად პოპულარული გახდა. ზემოთ ფოტოზე მერილინ მონროსა და ტონი კერტის ხედავთ. თავად რეჟისორი ბილი უაილდერი გადასაღებ მოედანზე არსებულ ვითარებას ასე აღწერდა: "შუა ფრენაში ვართ, თვითმფრინავის ბორტზე კი გიჟია, რომელსაც ხელთ ბომბი უპყრია." მერლინ მონრომ 1959 წელს "საუკეთესო მსახიობი ქალის" კატეგორიაში "ოქროს გლობუსის" პრემია მოიპოვა. ფილმი ასევე სხვა არაერთ პრემიაზე იქნა ნომინირებული.

ჯესიკა ლანგი და დასტინ ჰოფმანი "ტუტსის" გადასაღებ მოედანზე

1982 წელს სიდნი პოლაკმა სიყვარულის შესახებ გადაიღო ყველასთვის საყვარელი კომედია "ტუტსი", სადაც მთავარ როლებს შეუდარებელი ჯესიკა ლანგი და მომხიბვლელი ჯასტინ ჰოფმანი ასრულებდნენ. ფოტოზე სწორედ ის იმანჭება, და უნდა ითქვას, რომ ჯასტინ ჰოფმანმა ქალის იმიჯი მართლაც საოცრად მოირგო.

სიდნი ლუმეტი და ფეი დანაუეი დუბლებს შორის

მსახიობმა ფეი დანაუეიმ რეიტინგზე ჩაციკლული პროდიუსერის როლისთვის "ოსკარი" დაიმსახურა. ნიუ-იორკი, 1975 წელი, დუბლებს შორის. ამერიკელი მსახიობი, ფეი დანაუეი უდაოდ ერთ-ერთი ყველაზე ლამაზი და ნიჭიერი მსახიობი გახლავთ.

ტერი შილდსი საკუთარ ქალიშვილს ბრუკ შილდსს ფილმ "საჰარას" მომდევნო სცენისთვის თმას უსწორებს, ისრაელი, 1983 წელი

სათავგადასავლო ფილმი "საჰარა" ენდრიუ მაკლაგლენმა 1983 წელს გადაიღო, და რაც ასევე აღსანიშნავია არის ის, რომ მუსიკა ფილმისთვის კომპოზიტორმა ენიო მორიკონემ დაწერა. მთავარ როლში კი შეუდარებელი ბრუკ შილდსი გახლდათ, რომელსაც სწორედ ფოტოზე ხედავთ.

ლეონარდო დიკაპრიო და ქეით უინსლეტი "ტიტანიკის" გადასაღებ მოედანზე, 1996 წელი

ჯეიმს კამერონმა 1997 წელს თავისი ერთ-ერთი შედევრი - "ტიტანიკი" გადაიღო. ფოტოზე ლეონარდო დიკაპრიო და ქეით უინსლეტი ფილმის გადასაღებ მოედანზე არიან აღბეჭდილნი. როგორც ჩანს, პარტნიორები დუბლებს შორის ცოტა ხნით დასასვენებლად ჩამოსხდნენ.

ლუის ბუნუელი დგამს სცენას კატრინ დენევთან ერთად, "ტრისტანა", ტოლედო, ესპანეთი, 1969 წელი

რეჟისორმა ლუის ბუნუელმა 1970 წელს გადაიღო ფილმი "ტრისტანა", სადაც მთავარ როლს უმშვენიერესი კატრინ დენევი ასრულებდა. ეს დიდი ესპანელი რეჟისორის ბოლო ფილმი გახლავთ.

მეგ რაიანი და რეჟისორი რობ რაინერი ფილმ "როცა ჰარი შეხვდა სალის..." გადასაღებ მოედანზე, 1988 წელი

მომხიბვლელი მეგ რაიანი და რეჟისორი რობ რაინერი ფილმ "როცა ჰარი შეხვდა სალის..." გადასაღებ მოედანზე, 1988 წელი, ფილმი იმ წლების ერთ - ერთ ყველაზე მსუბუქ და კეთილ რომანტიკულ კომედიად ითვლება.

კრისტინა რიჩი საკუთარ საგრიმიოროში, "მთვლემარე ხეობა", ინგლისი, 1999 წელი

1999 წლის "მთვლემარე ხეობა" რეჟისორ ტიმ ბარტონის ერთ-ერთი საუკეთესო ფილმია. ფოტოზე ხედავთ მთავარი როლის, კატრინ ენ ვან ტასელის როლის შემსრულებელს - კრისტინა რიჩის საკუთარ საგრიმიოროში, მსახიობმა ამ ბნელ, მისტიკურ დეტექტივში რომანტიკული, სათუთი და დაუცველი გოგონას როლი ითამაშა.

მსახიობი ლინდა კოზლოვსკი ფილმ "ნიანგი დანდის" გადასაღებ მოედანზე, 1986 წელი

1986 წლის კომედია "ნიანგი დანდი" ალბათ ყველას კარგად გახსოვთ, და ისიც კარგად გემახსოვრებათ თუ როგორ ეხმარებოდა ერთგული მაიკლ ჯ. "ნიანგი" დანდი ჯუნგლებში ყველაზე სასაცილო სიტუაციებში აღმოჩენილ მთავარ გმირს გადარჩენაში. ფოტოზე მსახიობ ლინდა კოზლოვსკის ხედავთ ფილმის გადასაღებ მოედანზე. ავსტალიელი რეჟისორის პიტერ ფაიმის მიერ გადაღებულმა ამ ფილმმა თავი სამუდამოდ დაგვამახსოვრა, ხოლო გადასაღები მოედნიდან შემორჩენილი კადრები დღემდე გვეხმარება ფილმის ყურებისას განცდილი ბედნიერი მომენტების გახსენებაში.