ჟურნალისტმა მაუსანმა პერუს „უცხოპლანეტელ მუმიებში“ ნაპოვნ ლითონის ფირფიტებზე ისაუბრა.

სკანდალურმა ჟურნალისტმა და უფოლოგმა მექსიკიდან ახალი განცხადებები გააკეთა უცნაური მუმიების შესახებ, რომლებსაც ის უცხოპლანეტელებად თვლის. ამის შესახებ Daily Mirror წერს.

2023 წლის სექტემბერში ჟურნალისტმა ხეიმე მაუსანმა საზოგადოებას წარუდგინა „უცხოპლანეტელთა“ ნეშტი. ის ამტკიცებდა, რომ პერუს უდაბნოში ნაპოვნი მუმიფიცირებული ნაშთები არამიწიერი ცივილიზაციების წარმომადგენლებს ეკუთვნის. მაუსანმა თავისი ჰიპოთეზების პრეზენტაციაც კი გააკეთა აშშ-ს კონგრესში. მისი თქმით, მუმიების დნმ სავარაუდოდ 30 პროცენტით განსხვავდება ადამიანის დნმ-ისგან. თუმცა, მოგვიანებით პერუს პროკურატურის სასამართლო ექსპერტიზამ მუმიებში ცხოველისა და ადამიანის ძვლები აღმოაჩინა.

ამის მიუხედავად, მაუსანი აგრძელებს მტკიცებას, რომ ესენი არ არიან თოჯინები, არამედ ნამდვილი უცხოპლანეტელები. ცოტა ხნის წინ უფოლოგმა ისაუბრა, რომ სავარაუდო უცხოპლანეტელებს მკერდში მობილური ტელეფონების მსგავსი ობიექტები ჰქონდათ ჩადგმული. მისი თქმით, ეს არის ლითონის ფირფიტები, რომლებიც დამზადებულია ოსმიუმისგან, იშვიათი ტოქსიკური ლითონისგან, რომელიც გამოიყენება კოსმოსურ ინდუსტრიაში. ”მე მჯერა, რომ ეს არის საკომუნიკაციო მოწყობილობა. არ ვიცი, როგორ მუშაობს, მაგრამ ექსპერტებს მოუწევთ მუშაობა იმის გასაგებად, თუ რატომ იყო განთავსებული ეს მოწყობილობები სხეულში“, - თქვა მოისანმა.

მაუსანს სჯერა, რომ ოსმიუმის ელემენტები ეწინააღმდეგებიან იმ ფაქტს, რომ მუმიები ყალბია.

"თუ თქვენ აპირებთ რომ შექმნათ ასეთი მისტიფიკაციას, მაშ რაღა საჭიროა შიგნით ასეთი ძალიან იშვიათი ლითონის ჩასმა?" - რიტორიკულ კითხვას სვამს უფოლოგი.