ბბრაზილიელმა კაცმა, რომელიც საკუთარ თავს "ახალ ნოსტრადამუსს" უწოდებს, იწინასწარმეტყველა რა ელის კაცობრიობას 2024 წელს, წერს Tyla. ბრაზილიელის თქმით, მისი წარსული პროგნოზები ახდა.

ბრაზილიელმა ათოს სალომემ თქვა, რომ მას სახელი მე-16 საუკუნის ბოლოს ფილოსოფოსისა და ამავე სახელწოდების ასტროლოგის საპატივცემულოდ ეწოდა, რომელიც მთელი თავისი ცხოვრების მანძილზე უამრავ პროგნოზს აკეთებდა ჩვენი პლანეტის მომავლის შესახებ.

"ახალი ნოსტრადამუსის" მიხედვით, მისი თითქმის ყველა წინასწარმეტყველება ახდა. მაგალითად, მან იწინასწარმეტყველა COVID-19 პანდემია. ახლა ბრაზილიელმა ახალი პროგნოზი გააკეთა იმის შესახებ, თუ რა ელის კაცობრიობას 2024 წელს.

სალომეს მიაჩნია, რომ მესამე მსოფლიო ომი 2024 წელს დაიწყება, მაგრამ გლობალური კონფლიქტი, მისი აზრით, გამოწვეული იქნება „სრულიად განსხვავებული საფრთხით“, რომელიც არ არის დაკავშირებული ევროპის კონტინენტთან და ახლო აღმოსავლეთის მოვლენებთან.

გარდა ამისა, ათოსი გვაფრთხილებს, რომ კაცობრიობა ახალი პანდემიის წინაშე დგას, რომელიც ბევრად უფრო საშიში იქნება ვიდრე COVID-19. ის ირწმუნება, რომ მისი წყარო სამხრეთ პოლუსზე გაჩნდება. ადამიანები, 2024 წელს ისწავლიან სხვა სამყაროსთან კომუნიკაციას და ამაში მათ ხელოვნური ინტელექტი დაეხმარება.