"შენ გაჩუმდი და შენისთანები გააჩუმე და ფეხბურთის წაყვანა ისწავლეთ! ეს რა უტიფარია, ნახეთ?! თან რა ლექსიკა აქვს?!

თვითონ დაიწყეს ნაკრების ჩარევა პოლიტიკაში, სათითაო ფეხბურთელს წნეხი მოუწყვეს და აქეთ იშვერს თითს.

ამისთანებს რატომ უხდით გადამხდელების ფულით ხელფასებს?

ფეხბურთის წინ ვცდილობ არც ჩემი განწყობა გავიფუჭო პოლიტიკით და არც სხვისი, მაგრამ ამისთანების ვიდეოს რომ ამოგიგდებს სოცქსელში, როგორ უნდა გაატარო?!

რომელმა თანამდებობის პირმა შეგაწუხა ფეხბურთის გამო?

კარგის და ხელშეწყობის მეტს რას აკეთებენ ფეხბურთისთვის?!

ესაა ახალი სტადიონის მშენებლობას რომ აპროტესტებს. მსგავსი პირველად მოვისმინე.

ამის კოლეგაა კიდევ ვილი სანიოლი რომ დაადანაშაულა, თითქოს მოგება არ უნდოდა: "მოგება თუ უნდა, უნდა (*) შემოიყვანოსო".

ამისთანები აპროტესტებენ მთავრობის წევრების და ფედერაციის გამოჩენას, გასახდელში შესვლას, თითქოს ყველაფერი თავისით ვითარდება ქვეყანაში, და ზურაბიშვილის გასახდელთან ჩასაფრებას ტაშს უკრავენ, თითქოს რაიმე გააკეთა ფეხბურთისთვის.

დღეს გოცირიძემ გამოდო პოსტი, 30 მილიონს აქილიჯებს. ცალკე დავწერ. 30 მილიონი გაეჩხირათ ყელში. არადა, მხოლოდ სპორტზე აქვს დახარჯული ნახევარ მილიარდამდე. კიდევ ერთხელ დავდებ სიას, გოცირიძისთვის.

ამას და ამისთანებს სიმწრის ზეიმი აქვთ. გულით რომ უხაროდეთ, ამდენ შხამს არ ამოაფრქვევდნენ.

ვერც სანიოლის მიმართ გამოთქმულ ამორალურ ფრაზაზე დავინახე საზმაუწყებლის რეაქცია, ვერც ამ თავხედურ ვიდეოზე ვნახავთ."-წერს სოციალურ ქსელში ამირან სალუქვაძე.