გამოვლინდა ადამიანებისა და ცხოველების დღეგრძელობის ფაქტორი.

PNAS: დედობრივი ზრუნვა გავლენას ახდენს ძუძუმწოვრების სიცოცხლის ხანგრძლივობაზე

კორნელის უნივერსიტეტის მეცნიერებმა ცხოველებისა და ადამიანების დღეგრძელობის ახალი ფაქტორი აღმოაჩინეს. ჟურნალში Proceedings of the National Academy of Sciences (PNAS) გამოქვეყნებული კვლევის მიხედვით, ამაზე გავლენას ახდენს დედებისა და ბებიების ზრუნვა.

მკვლევარებმა შეიმუშავეს უნივერსალური მათემატიკური მოდელი, რომელიც ასახავს ურთიერთობას დედასა და შთამომავლობს შორის, ასევე სახეობების დღეგრძელობას.

ამ მოდელს დაემატა საველე ეკოლოგების მონაცემები დედათა სიცოცხლისუნარიანობის და შთამომავლობის უნარების შესახებ, რაც საშუალებას გვაძლევს ვიწინასწარმეტყველოთ, თუ როგორ მოქმედებს დედობრივი ზრუნვა სიცოცხლის ხანგრძლივობის ევოლუციაზე.

კვლევის შედეგები აჩვენებს, რომ ცხოველებში, რომლებშიც დედობრივი ზრუნვა გადამწყვეტ როლს თამაშობს შთამომავლობის გადარჩენაში, ევოლუცია მიმდინარეობს სიცოცხლის ხანგრძლივობის გაზრდის ზარჯზე, თუმცა გამრავლების შემცირების ხარჯზე. ასეთი სახეობების მაგალითებია არა მხოლოდ პრიმატები, არამედ გიენები, ვეშაპები და სპილოები. ეს ხაზს უსვამს ძუძუმწოვრების ზოგად კანონზომიერებას.

კვლევა უფრო ფართო ასპექტში ავითარებს დედა-ბებიის ჰიპოთეზას, რომელიც ეფუძნება მე-18 და მე-19 საუკუნეებში ადამიანთა პოპულაციებზე დაკვირვებებს. ეს თეორია გვამცნობს, რომ შთამომავლობას გადარჩენის და დღეგრძელობის უკეთესი შანსი აქვს, თუ მათ ცხოვრებაში ჰყავთ მზრუნველი დედები და ბებიები.

ახალი მოდელი ითვალისწინებს უფრო მეტ ასპექტს, რომლებიც გავლენას ახდენენ შთამომავლობის სოციალურ ადაპტაციაზე, დაწყებული დედის ძუძუთი კვებით და დამთავრებული სქესობრივი მოწიფულობით.