წყვილებს შორის კონფლიქტი ჩვეულებრივი მოვლენაა. თუმცა, გახსოვდეთ, რომ ნებისმიერი სიტუაციიდან არსებობს გამოსავალი და, როგორც წესი, არა მხოლოდ ერთი. დაფიქრდით, მოძებნეთ და აუცილებლად იპოვით გამოსავალს, რომელიც ორივეს მოერგება. გააკეთეთ ეს სიყვარულით და საპირისპირო თვალსაზრისის გათვალისწინებით. ისაუბრეთ თქვენს გრძნობებზე, ნუ დაადანაშაულებთ ან შეურაცხყოფთ ერთმანეთს, არამედ შესთავაზეთ კონსტრუქციული გადაწყვეტილებები.

დღევანდელ სტატიაში რჩევის სახით დაგიტოვებთ რამდენიმე ფრაზას, რომელიც თქვენს შორის არსებულ დაძაბულობას, აუცილებლად განმუხტავს.

ფრაზები, რომელიც განმუხტავს თქვენს შორის კონფლიქტს

1. რა შემიძლია გავაკეთო სიტუაციის გასაუმჯობესებლად?
ამგვარად, პრობლემის გადაჭრის მზაობის დემონსტრაციას მოახდენთ თუ მიმართავთ მას კონსტრუქციული წინადადებებით.

2. მე მზად ვარ ყურადღებით მოვუსმინო ყველა შენს პრეტენზიას, მაგრამ მოდი ჯერ რამდენიმე წუთით შევისვენოთ და ვუყუროთ რაიმე სასაცილოს (საყვარელი კომედია, ვიდეო YouTube-ზე).
ეს შესვენება დაგეხმარებათ დაძაბულობის მოხსნაში, რომ უკეთესი განწყობით დაუბრუნდეთ მტკივნეული საკითხის განხილვას. კიდევ უფრო სასარგებლოა დისკუსიის სხვა დღისთვის გადადება, როცა ვნებები ჩაცხრება.

3. დამეხმარე გავიგო, რატომ ფიქრობ ასე და რას ეფუძნება შენი დასკვნები.
ეს მარტივი ფრაზა გამოხატავს თქვენს სიმშვიდეს და გულწრფელ სურვილს, გაიგოთ თქვენი პარტნიორის თვალსაზრისი. კონფლიქტის დროს ადამიანები ხშირად არ უსმენენ ერთმანეთს და ზოგჯერ სრულიად საპირისპირო საკითხებზე საუბრობენ.

4. მე შენ მიყვარხარ მაშინაც კი, როცა ჩხუბობ.
შეიძლება ჟღერდეს, თითქოს კონფლიქტის განხილვის თავიდან აცილება გსურთ, მაგრამ ეს ორივეს წაგადგებათ და ერთმანეთის მიმართ მეტ სიმპათიას იგრძნობთ, რაც საბოლოოდ დაგეხმარებათ კონფლიქტის სწორი გადაწყვეტის პოვნაში. გახსოვდეთ, რომ თქვენ ეძებთ პრობლემის გადაწყვეტას და არა ურთიერთობის შეწყვეტას.

5. როგორ ფიქრობთ, ეს მდგომარეობა უარესია თუ უკეთესი, ვიდრე შარშანდელი მიწისძვრა?
შეხსენება მთავარი გამოწვევის შესახებ, რომელიც ერთად გადალახეთ, დაგეხმარებათ გახსოვდეთ, რომ გუნდი ხართ და შეგიძლიათ ერთად გადალახოთ ნებისმიერი სხვა გამოწვევა.

6. ახლავე შევწყვიტოთ კამათი.
ეს ფრაზა აჩვენებს თქვენს გაგებას, რომ ურთიერთობები უფრო მნიშვნელოვანია, ვიდრე სიმართლის გარკვევა. არის შემთხვევები, როცა არ ღირს იმის გარკვევა, ვინ არის მართალი და ვინ არა. სიმართლეზე მნიშვნელოვანი ურთიერთობის შენარჩუნებაა.

7. ვფიქრობ, ფინჯანი ჩაი დაგვეხმარება სწორი გამოსავლის სწრაფად პოვნაში.
შესაძლოა, თქვენ ხართ ზღვარზე, რადგან დაღლილი ხართ ან უბრალოდ მშიერი ხართ. საყვარელი სასმელი ხელს შეუწყობს დაძაბულობის მოხსნას და პრობლემის მშვიდად განხილვას.