არსებობს მოსაზრება, რომ ზოგიერთი სამოსი მხოლოდ გამხდარ ადამიანებს უხდებათ და სრული ფიგურის მქონე გოგონები მის ჩაცმას ვეღარ შეძლებენ... რამდენად ეთანხმებით ამას?

ერთგვარი გამოწვევა სახელწოდებით Style not size უფრო და უფრო პოპულარული ხდება ინტერნეტში. მისი მონაწილეები ცდილობენ მოირგონ სხვადასხვა ტიპის სამოსი და აჩვენონ განსხვავება, თუ როგორ შეუძლიათ მოიხდინონ ერთნაირი ტანსაცმელი სხვადასხვა წონის და აღნაგობის გოგონებმა.
ამ ჰეშთეგის ქვეშ ერთ-ერთი პირველი ფოტო გამოაქვეყნეს დენის მერსედესმა და მარია კასტელანოსმა. გოგონები განსხვავდებიან ყველაფერში, თმის ფერიდან ფიგურამდე. დენისი შავგვრემანი და პლუს ზომის მოდელია, მარია კი გამხდარი და ქერა.

თუმცა, გოგონები დარწმუნებულნი არიან: არ აქვს მნიშვნელობა რამდენს იწონი ან რა არის შენი თეძოს გარშემოწერილობა. სრული ფორმების მქონე გოგოებს შეუძლიათ ადვილად ჩაიცვათ ვიწრო კაბები და მოკლე ქვედაბოლოებუ. ისევე როგორც გამხდარ ქალებს არ უნდა რცხვენოდეს ღრმა დეკოლტის მათი მცირე ზომის მკერდის გამო.

"ტანსაცმელი შექმნილია თითოეული ჩვენგანისთვის!" - ეს ამ ორი ლამაზმანის დევიზია და ძნელია ამ ფოტოების შემხედვარე არ დაეთანხმოთ მათ.