ათასობით ათასი სახეობის ტკბილეული არსებობს და მხოლოდ გემრიელობის გამო კი არ გამოირჩევა ისინი, კონდიტერებმა მათგან მრავალი ხელოვნების ნიმუშებიც კი შექმნეს. მილიონობით ადამიანია ტკბილზე დამოკიდებული და მიზეზი ისაა, თუ რატომ ვერ ეშვებიან ისინი მათზე დამოკიდებულებას, არის ნივთიერება დოპამინი, რომელიც გემრიელი ნუგბარის მირთმევისას გამოიყოფა ჩვენი ტვინიდან, ვიღებთ სიამოვნებას და გვაბედნიერებს. ბუნებრივია, რომ დოპამინი ხელს უწყობს ჩვენი განწყობის გაუმჯობესებას.

არ უნდა დაგვავიწყდეს, რომ გემრიელი ტკბილეული დიდი რაოდენობით შაქარს შეიცავს, თავისთავად კი შაქარი არის "ნარკოტიკი". მეცნიერეის მიერ ჩატარებულ კვლევებში, სადაც საცდელი ობიექტები თაგვები იყვნენ, დადასტურდა, რომ ადამიანი შაქარზე უფრო ხდება დამოკიდებული, ვიდრე კოკაინზე, რაც ჩატარებულ ექსპერიმენტში მონაწილე თაგვების 94%-მა დაადასტურა.

ჭარბი რაოდენობით შაქრის მიღება გამოიწვევს ჯანმრთელობის სხვადასხვა პრობლემას, ამიტომ უმჯობესია თუ მას შევზღუდავთ. შაქრის შეზღუდვა ასევე აგაცილებთ თავიდან ინსულინს, დიაბეტს, ფერიჭამელებსა და კანის დაბერების სისწრაფეს.

იმდენი დაიწერა შაქრის საშიშროებაზე, რომ თითოეულ ჩვენგანს რეგულარულად უჩნდება იდეა უარი თქვას ყველა ტკბილეულზე. ბევრი ადამიანი ამას მოუგვარებელ პრობლემად მიიჩნევს, მაგრამ მაქვს კარგი ამბავი - სინამდვილეში, ორგანიზმს მხოლოდ 10 დღე სჭირდება რომ შაქრის დამოკიდებულებისგან თავი დააღწიოს.

როგორ ვთქვათ ტკბილზე უარი? - ეს სტატია დაგეხმარებათ

1. უარი თქვით კალორიულ სითხეებზე.

ყოველი წვენის ქილა შეიცავს უამრავ შაქარს. იგივეა, თითქოს მუჭა რაფინირებული შაქარი ჩაყაროთ პირში. გარდა ამისა, ეს ჩვენს ორგანიზმს არაფერს აძლევს, გარდა სისხლში შაქრის მკვეთრი მატებისა და დროთა განმავლობაში კი წონის მატებისა. შეცვალეთ ისინი მინერალური წყლით: ორგანიზმი გაიწმინდება, წყურვილს მოიკლავთ და არავითარი ზიანი არ იქნება.

2. მიირთვით ცილებით მდიდარი საკვები და ბევრი ბოსტნეული.

ცილა არ ზრდის სისხლში შაქრის დონეს, მაგრამ უზრუნველყოფს ენერგიას და სრულყოფილების ხანგრძლივ შეგრძნებას, რაც მნიშვნელოვანია. კვერცხი, თევზი, ქათამი ამ შემთხვევაში აუცილებელი ყოველდღიური პროდუქტია.

ბოსტნეული ასევე დაგეხმარებათ შაქრის დონის რეგულირებაში. უბრალოდ არა კარტოფილი! ყველაფერი დანარჩენი შესაძლებელია და აუცილებელია: სხვადასხვა სახის კომბოსტო, ყაბაყი, კიტრი, პომიდორი და არ დაივიწყოთ მწვანილი. ბოსტნეული მისცემს თქვენს ორგანიზმს საჭირო ნახშირწყლებს, რაც არ გაზრდის სისხლში შაქარს და გარდაიქმნება ენერგიად და არა ცხიმად.

3. არ დაივიწყოთ ცხიმები.

ძალიან ხშირად, სწორი კვების მიზნით, ადამიანები მთლიანად უარს ამბობენ ცხიმის შემცველ საკვებზე, მაგრამ ამაოდ. ცხიმები ზღუდავენ ჩვენს მადას, აბალანსებენ სისხლში შაქრის დონეს და ზოგადად ბევრი სარგებელი მოაქვს ორგანიზმისთვის. თქვენ უბრალოდ უნდა აირჩიოთ ისინი სწორად. უპირატესობა მიანიჭეთ უჯერ ცხიმებს: რაციონში უფრო ხშირად უნდა იყოს ზეითუნის ზეთი, თხილი და თევზი.

4. მოემზადეთ საგანგებო სიტუაციებისთვის.

ჩვენ ყველანი განვიცდით ფორსმაჟორს, როდესაც ნორმალურად ჭამის დრო არ გვაქვს. ასეთ შემთხვევებში, ვჭამთ ყველაფერს, რასაც წავაწყდებით: ჰამბურგერს, ფუნთუშებს და სხვა სისულელეებს. ჩვენი ამოცანაა ამ 10 დღის განმავლობაში დავრწმუნდეთ, რომ ასეთ სიტუაციებში ხელთ გვქონდეს საჭირო პროდუქტები და არა მავნე. შეაგროვეთ პატარა ყუთში და ყოველთვის თან იქონიეთ: თხილი, ჩირი, ქათმის ღვეზელი, დიეტური პური - ზოგადად ყველაფერი, რაც დიდხანს არ ფუჭდება და ამავდროულად აძლევს ორგანიზმს საჭირო ენერგიას და ანაყრებს.

5. ისუნთქე.

ძალიან ხშირად, შიმშილის გრძნობა და რაიმე ტკბილის სასწრაფოდ ჭამის სურვილი სტრესის სიგნალია. სტრესის ჰორმონის კორტიზოლის კონტროლი შესაძლებელია მარტივი სუნთქვითი ვარჯიშებით. ყოველი ჭამის წინ ჩაისუნთქეთ 5 -ჯერ, ღრმად. გაგიკვირდებათ, მაგრამ ამას ნამდვილად აქვს ეფექტი.

6. კარგად ძილი არ დაივიწყოთ.

ცუდი ხარისხის ძილი იწვევს ენერგიის დეფიციტს, რომლის მიღებასაც ორგანიზმი სასწრაფოდ ცდილობს. ასეთ შემთხვევებში ადამიანი უკონტროლოდ იზიდავს ტკბილეულს, ვინაიდან ეს არის ყველაზე სწრაფი გზა იმის მისაღებად, რაც ორგანიზმს სურს. ეცადეთ დაიძინოთ საჭირო 8 საათი, თქვენი ორგანიზმი აუცილებლად გეტყვით მადლობას და შაქრის ლტოლვაც აღარ იქნება დაუძლეველი.

თუ ამ წესებს ზედიზედ 10 დღე მაინც დაიცავთ, მაშინ საკონდიტრო მაღაზიების ვიტრინები ასორტიმენტის ნახევრის დაუყოვნებლივ გადაყლაპვის სურვილს აღარ აღძრავს და თქვენი საყვარელი ფუნთუშების ჭამაც ფეხით სავალ მანძილზეც კი არ გადაგაგდებთ სწორი კურსიდან.