შეერთებულ შტატებში არკანზასელ მასწავლებელს მოსწავლის ცდუნების გამო 33 წლით თავისუფლების აღკვეთა შეეფარდა. ინფორმაციას KATV ავრცელებს.

ამა წლის იანვარში, 33 წლის ჰიზერ ჰეიერმა ქალაქ ბრაიანტიდან თავი დამნაშავედ სცნო არასრულწლოვნის სხვა შტატში გადაყვანისთვის სექსუალური ექსპლუატაციის მიზნით.

გამომძიებლებმა დაადგინეს, რომ მათი ურთიერთობა 2021 წლიდან დაიწყო .ჰეიერმა მოზარდს კონსულტაცია გაუწია და პირადი ტელეფონის ნომერი მისცა. მოგვიანებით მან სკოლის მოსწავლეს მესენჯერში მიწერა, რომ „სიზმარში ნახა, რომ მათ სექსი ჰქონდათ“ და სახლში მიიპატიჟა. საერთო ჯამში, მასწავლებელს 2021-2022 წლებში დაახლოებით 30-ჯერ ჰქონდა სექსი ბიჭთან მის სახლში, მანქანაში და სკოლაში.

ერთ-ერთი სექსუალური კონტაქტი მოხდა ვაშინგტონში სასკოლო ექსკურსიის დროს, რაც ტრანსპორტირება სექსუალური ექსპლუატაციის მიზნით ბრალდების საფუძველი გახდა.

მაისში სასამართლომ ქალს 33 წლით თავისუფლების აღკვეთა მიუსაჯა. ფედერალური ბრალდებით მას 13 წლით თავისუფლების აღკვეთა მიესაჯა. სალინის ოლქის მოსამართლემ მას 20 წელი მიუმატა სხვა დარჩენილი სტატიების მიხედვით.

„მასწავლებელებმა, რომლებსაც აქვთ სექსი არასრულწლოვან მოსწავლეებთან, უნდა გაითვალისწინონ ჰეიერის განაჩენი. ეს აჩვენებს იმ შედეგებს, რაც შეიძლება მოჰყვეს უფლებამოსილების ბოროტად გამოყენებას და არასრულწლოვანთა დაუცველი პოზიციის ექსპლუატაციას მათი უკანონო სექსუალურ აქტივობაში ჩართვის მიზნით”, - განაცხადა პროკურორმა ჯონათან როსმა განაჩენის გამოტანის შემდეგ.

ცოტა ხნის წინ ვწერდით ერთ პატარა ქალაქზე, არიზონაში, სადაც ერთბაშად სამი მასწავლებელი გამოიჭირეს, რომლებსაც სექსი ჰქონდათ სკოლის მოსწავლეებთან