საზოგადოება
"ეს გამოთქმა ასაკრძალია, ხო?"- რას წერს მერაბ მეტრეველი
17 მაისი, 10:25
ჟურნალისტი, მერაბ მეტრეველი მთავრობის მიერ 2024 წლის 17 მაისის უქმე დღედ გამოცხადებას სოციალურ ქსელში ეხმაურება და ირაკლი კობახიძის მიერ მიღებულ დადგენილებაში ფარულ მიზნებს ხედავს:
"შარშან არ იყო ოჯახის სიწმინდის დაცვა მნიშვნელოვანი, დასვენების დღედ რომ არ გამოაცხადეს?
ნეტა, წელს რატომ მოემტა ამ დღეს ფასი?
…
ვიღაც სახლში რომ მარტო რჩება და ეუბნებიან,
აწი კაციც შენ ხარ და ქალიცო, ეს გამოთქმა ასაკრძალია, ხო?"- წერს ჟურნალისტი "ფეისბუქის" პირად გვერდზე.
შეგახსენებთ, რომ მთავრობის დადგენილებით, 2024 წლის 17 მაისი უქმე დღედ გამოცხადდა. "ოჯახის სიწმინდისა და მშობლების პატივისცემის დღესთან დაკავშირებით, 17 მაისი დასვენების დღედ გამოცხადდა", — წერია მთავრობის ადმინისტრაციის მიერ გავრცელებულ განცხადებაში.
ცნობისთვის, 17 მაისი ჰომოფობიასა და ტრანსფობიასთან ბრძოლის საერთაშორისო დღეა. ამ დღეს მსოფლიოს ბევრ ქვეყანაში ლგბტქ+ ადამიანები ეკონომიკური და სოციალური თანასწორობისთვის საბრძოლველად გამოდიან.
