არიან ცნობილი ქალები მაღალი ინტელექტით და არიან ქალები საშუალო ან სულაც დაბალი ინტელექტით. ასეთები მრავლადაა განსაკუთრებით კულტურის სფეროში, არიან კარგი კომპოზიტორი ქალები და არიან ისე რა კომპოზიტორები, არიან კარგი მსახიობი ქალები და არიან ისე რა მსახიობები, არიან კარგი მომღერლები და არიან ისე რა მომღერლები, რომლებიც კონცერტებზე გაფუჭებულ გრამფირფიტასავით ყველა კონცერტზე ერთსა და იმავე სიმღერებს ასრულებენ.

ეს რაც შეეხება ინტელექტს, მაგრამ ინტელექტის გარდა არის ფსიქოლოგიური და მენტალური პრობლემებიც, რომელიც რაღაცნაირად ზღუდავს და ბოჭავს უნიჭიერეს ადამიანებს (საუბარია მომღერლებზე). ერთერთი მათგანია ცნობილი ამერიკელი მომღერალი ახალგაზრდა ქალი ბილი აილიში. მომღერალი ძალიან წარმატებულია, დამეთანხმებით უზარმაზარი წარმატებაა ორ სიმღერაში («No Time to Die» და «What Was I Made for») ორჯერ აიღო ოსკარი ორი ფილმიდან.

თუმცა ამ უნიჭიერეს მომღერალს აწუხებს ფსიქოლოგიური პრობლემა და ის გამოიხატება ერთ რამეში-ბილი აილიში თავს ვერ გრძნობს ქალად. მკითხველმა ისე არ გაიგოს, თიქოს განსხვავებული ორიენტაციის იყოს, არა ბილი ტრადიციული ორიენტაციისაა, უბრალოდ ის ინტერვიუებში ღიად და დაუფარავად ამბობს: "მე არასდროს ვგრძნობდი თავს ქალად. მე ჩემი თავის იდენტიფიცირებას ვახდენდი, როგორც "ის", მაგრამ არასდროს ვგრძნობდი თავს გოგონად. მე დიდი მკერდი მაქვს 9 წლის ასაკიდან, და მე ისეთი ვარ, როგორიც ვარ. მე ასე გამოვიყურები. მე ვარ არსება, რომელიც ხანდახან სექსუალურად გამოიყურება".

არა და როგორია ბილის შემხედვარემ ის ქალად, თან წარმატებულ და ძალიან სექსუალურ ქალად არ წარმოიდგინო?

პარადოქსია ასეთი ბიუსტის მქონე ახალგაზრდა ქალი თავს ვერ გრძნობდეს ქალად, მით უფრო როცა ცნობილია, რომ მას არანაირი სექსუალური სახის გადახრები არა აქვს.

არის ასეთი გამოთქმა: თუ რაღაცა გამოიყურება, როგორც იხვი, დაცურავს, როგორც იხვი, ყვიტყვიტებს, როგორც იხვი, მაშინ უდიდესი ალბათობით ის იხვია".

სამწუხაროა, რომ ასეთ ცნობილ და წარმატებულ მომღერალს ეს გამოთქმა არ სმენია.

ბილი აილიში.