ქალის სხეულის იდეალი მუდმივად იცვლება. ოდესღაც პოპულარული იყო მსუქანი, მრგვალსახიანი ქალები და გამხდარი ბიჭები და გოგონები. შემდეგ გამოჩნდა სტანდარტი 90–60–90, რომლის მოშორებას დღეს მთელი მსოფლიო ცდილობს დიდი მონდომებით, მაგრამ ჯერ წარუმატებლად. როგორ გაჩნდა და რატომ არ სურთ დიზაინერებს მასზე უარის თქმა?

ძველ დროში და შუა საუკუნეებში მსუქანი ქალები პატივსაცემი იყვნენ. სიმსუქნე სიმდიდრის, ჯანმრთელობის და ნაყოფიერების ნიშნად ითვლებოდა. დღეს ცოტა სხვაგვარადაა. კარგ ცხოვრებაზე და ჯანმრთელობაზე სპორტული აღნაგობა მეტყველებს. მის მფლობელს შეუძლია სწორად იკვებოს და ფიტნეს კლუბში წევრობა შეიძინოს.

მოდის სამყარო თავისი წესებით ცხოვრობს. აქ არავის აინტერესებს მამაკაცის პრეფერენციები და ქალების სურვილები. სინამდვილეში, მკაცრი სტანდარტი 90–60–90 მხოლოდ მითია. პოდიუმიდან ძალიან ცოტა გოგო ჯდება ამ სანტიმეტრებში. მაგრამ მოდის სამყაროს სჭირდება გამხდარი მოდელები და ამას რიგი მიზეზები აქვს.

3 ძირითადი მიზეზი

პირველ რიგში, ეკრანზე ადამიანი ყოველთვის უფრო მსუქანი ჩანს, ვიდრე სინამდვილეშია. ამ თვალსაზრისით, გამხდარი გოგო უფრო ხელსაყრელია, რადგან ეფექტურად გამოიყურება. მეორეც, გამხდარი ქალისთვის შეკერვა უფრო ადვილია. თუ მოდელები დაახლოებით ერთი და იმავე ზომისაა, ამოცანა მარტივდება. ნებისმიერის შეცვლა შეიძლება ისე, რომ არაფრის გადაკეთება მოუწევთ.

მესამე მიზეზი ცოტა დელიკატური შეიძლება ეწოდოს. საქმე იმაშია, რომ იმ პერიოდში, როცა ჩამოყალიბდა 90–60–90 სტანდარტი, ანუ 80–იანი წლების ბოლოს და 90–იანი წლების დასაწყისში, მოდის სამყაროში ბევრი გეი იყო. არატრადიციული ორიენტაცია იყო ნამდვილი ტრენდი და მოდის დიზაინერებს სურდათ მოუქნელი ბიჭების დანახვა გოგონებში. ყველაფერი ქალური მათში ზიზღს იწვევდა. ცნობილმა მოდის დიზაინერმა ჟან–პოლ გოტიემ ერთხელ თქვა:

"მე ვქმნი ქალის სილამაზის ეტალონს ქალურობის მინიშნების გარეშე, ყველა ქალის მიმართ სიძულვილის გამო. ჩემთვის ისინი მხოლოდ ტანსაცმლის საკიდები არიან".

იმის მიუხედავად, რომ ახლა მოდის ინდუსტრიაში ბევრი პლუს ზომის მოდელი გამოჩნდა, ვერ ვიტყვით, რომ გარდატეხა მოხდა და გამხდარი მოდელები წარსულს ჩაბარდნენ.

ასევე დაგაინტერესებთ:

მინი ქვედაბოლოს ისტორია ჩინური ქრონიკებიდან მადონამდე და ბრიტნი სპირსამდე

რას გულისხმობენ საცურაო კოსტიუმში მსოფლიოს სხვადასხვა ქვეყანაში

90-იანი წლების ველური მოდა: რას იცვამდნენ მოდელები ჩვენებების დროს

10 თანამედროვე ტენდენცია, რომლებიც პოპულარული სინამდვილეში 100 წლის წინ იყო

70-იანი წლების მამაკაცების მოდა, რომელიც არ უნდა დაბრუნდეს (20+ ფოტო)