წითელ ხალიჩაზე მოწყობილი ეფექტური დეფილეები შოუ-ბიზნესის სახეებისთვის ნამდვილ დრამად იქცევა ხოლმე. მსახიობებს, მოდელებსა და მომღერლებს ნამდვილი ორთაბრძოლა არა მხოლოდ ამინდთან, არამედ ერთმანეთთან და, რაღა თქმა უნდა, საკუთარ კაბებთანაც კი აქვთ გაჩაღებული. როგორც ცნობილია სელებრითების გარეგნულ მხარეზე პროფესიონალი სტილისტების მთელი გუნდი მუშაობს, თუმცა ყველაფრის განჭვრეტა მათაც კი არ ძალუძთ და ამაში ქვემოთ წარმოდგენილი ვარსკვლავების მაგალითებზეც დარწუნდებით.

კრისი ტეიგენის კაბა, რომელიც მას "AMA"-ს ცერემონიაზე ეცვა 2016 წლის ყველაზე სკანდალურ სამოსად იქცა. ვარსკვლავს წითელ ხალიჩაზე შექმნილი უხერხულობისთვის ბოდიშის მოხდაც კი მოუწია, თუმცა ბევრს მაინც არ სჯეროდა, რომ მან ეს მართლაც დაუგეგმავად გააკეთა.

კრისი ტეიგენის მსგავსად წითელმა ხალიჩამ მელ ბიც ისე გაიტაცა, რომ სრულიად დაავიწყდა რომ თამამი კაბის ქვეშ საცვლები მასაც არ ეცვა.

ვარსკვლავები, რომლებიც "დაზღვევის" შესახებ არ ივიწყებენ, უხერხულ სიტუაციაში აღმოჩენის ნაკლები შანსი ნადვილად არ აქვთ. ალბათ, უკეთესი იქნებოდა ჯესიკა უაიტს მაქმანიანი საცვლების ნაცვლად არჩევანი ისევ კლასიკურ შავზე ან უნივერსალურ კრემისფერზე გაეკეთებინა.

როგორც კი მის კარიერაში აღმასვლა დაიწყო, ბელა ჰადიდი შესამჩნევად თამამი გახდა. კანის კინოფესტივალზე მოდელმა არჩევანი მდიდრულ, მაღალჭრილიან კაბაზე შეაჩერა, ხოლო როცა მისმა ჩაცმულობამ საზოგადოებას იმაზე მეტი დაანახა, ვიდრე საჭირო იყო, მოდელმა ყოველგვარი უხერხულობის გარეშე კაბის კალთა სრულიად აუღელვებლად შეისწორა.

მსახიობმა ჯოანა კრუპამ "ოსკარებიდან" ანჯელინა ჯოლის ცნობილი პოზის გამეორება სცადა, თუმცა ვერ გაითვალისწინა რომ თავის მაღალჭრილიან საღამოს კაბაში ზედმეტს გამოაჩენდა, ისე, ნაკლები კითხვა არც მის ექსტრემალურად თამამ დეკოლტესთან დაკავშირებით არსებობს.

რუმერ უილისის კაბა უფრო ეფექტური იქნებოდა გოგონა პირდაპირ რომ მდგარიყო, თუმცა ასეთმა რაკურსმა მთელი ინტრიგა "მოკლა".

თავისი კაბის მთელი "შესაძლებლობების" დემონსტრირებას მსახიობი ლეიკ ბელი კამერების წინ პოზირებით ახდენდა, თუმცა ვერც კი წარმოიდგენდა როგორი გამოვიდოდა საბოლოოდ ფოტოკამერების წინაშე ტრიალი.

რეალითი - შოუს ვარსკვლავი ჯესიკა კანინგემი ყველა ზღვარს გადავიდა: ჯერ მთელი ღამე მეგობართან ერთად იმხიარულა, დილით კი ინტერნეტში გავრცელებული საკუთარი ფოტოების ხილვით სირცხვილისგან დაიწვა.

ვარსკვლავური სამოსიდან მკერდის შემთხვევით "გადმოხტომა" - მოდური კონფუზების ცალკე ჟანრია. ამჯერად, ბაი ლინს არ გაუმართლა.

მზე, ქარი და თვალისმომჭრელად მოფრიალე შლეიფი... ეს შეიძლებოდა ალესანდრა ამბროსიოს ულამაზესი ფოტოც კი ყოფილიყო, თუმცა მოდელს საკუთარმა კაბამ უმტყუნა.

"შიშველმა" კაბამ კრისტინა მილიანი მთელი თავისი... საიდუმლოებით გათქვა. როგორც გაირკვა, კუბელი წარმოშობის მომღერალი ქვედა საცვლებს არ ატარებს, თუმცა მაკორექტირებელ თეთრეულზე უარს მაინც ვერ ამბობს.

პერის ჰილტონს "Hollywood Beauty Awards"-ის დაჯილდოებაზე გაწითლება ორჯერ მოუწია. ვარსკვლავი კაბის გრძელ შლეიფზე ფეხის დაბიჯების გამო ჯერ კინაღამ წაიქცა, შემდეგ კი ფოტოგრაფებისთვის პოზირებისას მკერდი საკმაოდ უცნაურად შეისწორა.

ყველაფერში სრულყოფილი ქეით მიდლტონი წარუმატებლობის ზღვარზე აღმოჩნდა. ძნელი წარმოსადგენია, რას იფიქრებდა ელისაბედ II ბრიტანელ ხელქვეითებს კემბრიჯის ჰერცოგინიას საცვლები (ან მისი არარსებობა) რომ დაენახათ.

ერთი პატარა დეფექტი კაბაზე შეიძლება მოდურ კონფუზადაც კი იქცეს. მოდელმა ემი უილერტონმა წითელ ხალიჩაზე გასვლამდე საკუთარი კაბაზე არსებული პატარა დეფექტი ვერ შეამჩნია, რისთვისაც მოდის ექსპერტებისგან ბევრი კრიტიკაც დაიმსახურა.