მიუხედავად, პოლიტიკოსების მიერ, დრო და დრო, დამოუკიდებლობის "კარტის" გათამაშების მცდელობისა, შოტლანდიას, მთელი მსოფლიო, გაერთიანებული სამეფოს განუყოფელ ნაწილად მიიჩნევს.

ალექსანდრე III კორონაცია

მაგრამ, ეს ყოველთვის ასე არ იყო, XIII საუკუნემდე შოტლანდია, ბრიტანეთის კუნძულებზე, ჰეგემონიისთვის ბრძოლაში სერიოზული კონკურენტი იყო. მისი აყვავების ხანა ალექსანდრე III (1249-1286 წწ) მეფობის პერიოდზე მოდის, რომელმაც მოახერხა და ყველა მეამბოხე ბარონი (თავადაზნაური) დაიმორჩილა, შეტლანდის და ჰებრიდების კუნძულების ანექსია მოახდინა, პროტექტორატი დაამყარა მენის მეფეებზე და ირლანდიის რიგ ფეოდალებზე. ცოტაც და — შოტლანდია, ინგლისსაც დაიპყრობდა, მითუმეტეს რომ, ამ უკანასკნელს, მეფეებში ნამდვილად არ უმართლებდა.

მაგრამ, ალექსანდრე III უბედურ შემთხვევას ემსხვერპლა (ცხენიდან ჩამოვარდა და კისერი მოიტეხა). 37 წლის მეფეს, იმ მომენტისთვის, II ცოლი ჰყავდა, რომელიც ფეხმძიმედ იყო. ამიტომ, მისი გარდაცვალების შემდეგ, ტახტის მემკვიდრედ, ჯერ არ დაბადებული შვილი გამოაცხადეს. თუმცა, ორსულობა მუცლის მოშლით დასრულდა.

პირველი ქორწინებიდან ალექსანდრეს ორი შვილი ჰყავდა. მაგრამ, იმ დროსთვის ორივე გარდაცვლილი იყო. ამიტომ, შოტლანდიის ერთადერთი იმედი, მეფის შვილიშვილი მარგარეტი (ალექსანდრე III ქალიშვილის და ნორვეგიის მეფის შვილი) იყო. 3 წლის პრინცესა შოტლანდიის პარლამენტმა დედოფლად გამოაცხადა, ხოლო სრულწლოვანებამდე, მის მოვალეობა 6 "მეურვეებს" უნდა შეესრულებინა. მაგრამ, 4 წლის შემდეგ, მისი გემი შტორმში მოყვა, როდესაც შოტლანდიის სანაპიროს უახლოვდებოდა და გოგონა დაიღუპა.

ქვეყანაში ძალაუფლებისთვის დაიწყო ბრძოლა, რომელიც ორ წელს გაგრძელდა და იმით დასრულდა, რომ მეფე ჯონ I გახდა, ბალიოლების დინასტიიდან, რომელმაც შიდა დაპირისპირების მოსაგვარებლად, ინგლისის მეფის ედუარდ I არბიტრაჟს მიმართა... და შოტლანდიის მზე სამუდამოდ ჩაესვენა.

არხის სხვა სიახლეები:

* ქრისტეს კვართთან ერთად, საქართველოში კიდევ ერთი სიწმინდე ჩამოიტანეს, რომელიც ახლა რუსეთშია

* 10 ისტორიულ ფაქტი, რომელიც ჯობია არ ვიცოდეთ

* სამარცხვინო შედეგი, რომელიც დიპლომატებმა დიდ გამარჯვებად გამოაცხადეს

* რა საფრთხე გელით თუ საკმარისად არ გძინავთ?