ბრიგადის გენერალი, თავდაცვის სამინისტროს საჰაერო ძალების მთავარი სამმართველოს შტაბის ყოფილი უფროსი და სამხედრო ექსპერტი ამირან სალუქვაძე რუსეთ-უკრაინის ომის გარშემო მიმდინარე მოვლენებს ეხმაურება და წერს:

"ორი დღის წინ მაკრონმა თქვა, არ გამოვრიცხავ უკრაინაში ჯარის შეყვანასო. მყისიერად ყველა დიდი ნატოს წევრი ევროპული ქვეყანა (დიდი ბრიტანეთი, გერმანია, იტალია, ესპანეთი...) გაემიჯნა.

თუ არ დააზავეს ორი წლის წინ, იომეთ და ჩვენ აგერ ვართო, მაშინ აომეთ. თუ ვერ აომებთ, დროულად უთხარით, სანამ იარაღი გამოელევათ."-წერს სოციალურ ქსელში ამირან სალუქვაძე.

უკრაინისათვის გერმანიის დახმარების ახალი პაკეტი შეიცავს 14 ათას ჭურვს და რაღაც მცირე რაოდენობით საინჟინრო აღჭურვილობას, გამნაღველებს

2-3 დღის საყოფია 14 ათასი 155მმ ჭურვი. სიას კომენტარებში დავდებ. აჟრიალებთ.

შოლცმა ტაურუსებს ვერ გადავცემთ და ომში მხარე ვერ გავხდებითო (ჩვენთან ვერ გაიგონებენ). აბა ლეოპარდები რა იყო?

ამერიკის დახმარებამდე, ევროპას არაფრის თავი აქვს. ამერიკა კი არ ჩქარობს. რაც მეტად გაიწელება, მეტად გახურდება წინასაარჩევნო კამპანია, მეტად პრობლემური გახდება 61 მილიარდის მთლიანად ან სრულიად განბლოკვა. თუმცა დაველოდოთ კონგრესის არდადეგების დასრულებას.

ეს ყველაფერი კი ფრონტზე აისახება. რფ, კუს ნაბიჯებით, მაგრამ უტევს.

გუშინ რუსებმა პირველი აბრამსი ააფეთქეს. რას დახეტიალობდა ობლად ფრონტის ხაზთან, დრონების დამცავის გარეშე, გაუგებარია.

დახმარების პაკეტის სია არც ღირს განსახილველად. მგონი მოვალეობას იხდიან.

ამ სიტუაციაში ევროპა საჰაერო თავდაცვის დამოუკიდებელი სისტემის შექმნაზე ალაპარაკდა."-წერს სალუქვაძე.