საფლავის წარწერაში რომელიც მეხუთე საუკუნისაა, ვკითხულობთ ეთნონიმ ქართველს, ქვაზე წერია " ესე სამარხოი იოჰანე ფურტაველ ეპისკოპოსისაი ქართველისაი", არადა აქამდეც და მგონი დღესაც ქართველ მეცნიერებს მიაჩნიათ, რომ ეთნონიმი ქართველი გაჩნდა გაცილებით გვიან, მაგრამ იერუსალიმის (უმ-ლაისუნის) საფლავის ქვა, სხვა რამეს ადასტურებს, რომ ქართველებად, ჩვენ ბევრად ადრე ვიწოდებოდით. სამწუხაროდ ამ კრიპტის ღირსეულად შესწავლა არ მოხდა, სადაც არაერთი ნაშთი იქნა აღმოჩენილი, თუმცა, ამ ერთმა ქვამ, ისტორია ნამდვილად შეცვალა.