"ერთხელ, მეუღლე ცუდად გახდა და აუცილებელი იყო მისი ექიმთან ვიზიტი, მაგრამ, სამწუხაროდ იმხნად ფული არ მქონდა, გადავწყვიტე დავით სარაჯიშვილისაგან სესხის აღება და გავეშურე, როდესაც მასთან მივედი, დავითი სტუმრებთან: ილია ჭავჭავაძე, იაკობ მანსვეტაშვილი, ნიკო ნიკოლაძე, - ნარდს თამაშობდა, მივესალმე მათ და ცოტა ხანში გამოვბრუნდი, შემრცხვა, ფული ვერ ვთხოვე...

კიბეებზე რომ დავეშვი, დავითის ხმა მომესმა: "თედო, ცოტა ხნით დამელოდე", ჩამოვიდა, "ხომ არაფერი გიჭირს!"..."არა-თქო", ჯიბიდან 100 თუმანი ამოიღო და გამომიწოდა, - "ეს წაიღე, დაგჭირდება" - გახარებულმა ფული გამოვართვი და მეუღლე ექიმთან წავიყვანე.

ერთი კვირის შემდეგ, ფულის დასაბრუნებლად დავითთან მივედი, სარაჯიშვილმა გაიღიმა და მითხრა: "თედო, ჩემდენი ფული რომ გექნება, მაშინ დამიბრუნე, იმ დღეს რომ შემოგხედე, მივხვდი, რაღაც გიჭირდა"...- თედო სახოკია (ქართველი ეთნოგრაფი, ლექსიკოლოგი, ფოლკლორისტი, მთარგმნელი, პუბლიცისტი და პედაგოგი)