კრემლის პოლიტიკის მეხოტბის და RT-ის მთავარი რედაქტორის თქმით, შეგროვებული თანხა უკრაიანაში, რუსი მებრძოლების დასახმარებლად უნდა გაიგზავნოს.

России сегодня-ს და RT-ის მთავარმა რედაქტორმა მარგარიტა სიმონიანმა განაცხადა, რომ კარგი იქნება თუ მდიდარი მოქალაქეებისთვის ფუფუნებაზე 100%-იანი გადასახადი დაწესდება

ეს თანხა, ჟურნალისტის თქმით, კონფლიქტის ზონაში მებრძოლი რუსეთის შეიარაღებული ძალების ჯარისკაცებს დაეხმარება.

მარგარიტა სიმონიანმა ეს მოსაზრება «Россия 1» არხის გადაცემაში "საღამო ვლადიმერ სოლოვიოვთან" (Вечер с Владимиром Соловьевым)გამოთქვა.

ჟურნალისტის თქმით, მაგალითად რუსეთის ფედერაციის მოქალაქეებს აინტერესებთ ანასტასია ივლეევას „შიშველი“ წვეულების მსგავსი ფენომენების ხანგრძლივობა.(მიყევი ბმულს)

სიმონიანის თქმით, მნიშვნელოვანია, რომ საზოგადოებამ გაიგოს სიტუაცია "სპეციალური სამხედრო ოპერაციის" ზონაში და შეიგნონ, რომ ჩვენი მოქალაქეები იღუპებიან ბრძოლაში, იცავენ თავიანთი ქვეყნის ინტერესებს.

”მე ვთავაზობ ფუფუნებაზე 100 პროცენტიან გადასახადს, ” - თქვა მან.

სიმონიანის თქმით, აუცილებელია ფუფუნების აქტების დაგმობა "სპეციალური სამხედრო ოპერაციის" პერიოდში.

ამავდროულად, იგი სთავაზობს ამოღებული თანხები გამოყენებული იქნეს რუსი მებრძოლებისთვის, ყველაფრისთვის, რაც მათ სჭირდებათ. მათ შორის დრონების საწინააღმდეგო იარაღის, თვითმფრინავების და ჯავშანტექნიკის შესაძენად.

მანამდე რუსეთის პრეზიდენტმა ვლადიმერ პუტინმა უპასუხა სიმონიანის შეკითხვას, თუ სად გაჩერდება რუსეთის ფედერაციაიის ჯარი "სპეციალური სამხედრო ოპერაციის" დროს.

„საქმე ეხება რუსეთის უსაფრთხოების გარანტიებს. ეს ბევრად უფრო მნიშვნელოვანია, ვიდრე რომელიღაც ტერიტორიები“, - უპასუხა პრეზიდენტმა.