ნაჭრის თოჯინა მარსელოს ცოლი ბრაზილიიდან საუბრობს შვილებისგან გამოწვეულ სტრესულ მდგომარეობაზე.

ბრაზილიელი ქალი, რომელიც ამტკიცებს, რომ დაქორწინდა ნაჭრის თოჯინაზე, ჩივის სირთულეებზე, რომელიც დაეწყო ნაჭრის ბავშვების გაჩენის შემდეგ. ამის შესახებ Daily Mail იუწყება.

მეირივონე როჩა მორაესმა ვერ იპოვა ღირსეული მამაკაცი ოჯახის შესაქმნელად, რის გამოც განიცდიდა მარტოობას. დედამ გადაწყვიტა დახმარებოდა ქალიშვილს და შეუკერა ნაჭრის თოჯინა, სახელად მარსელო, მამაკაცის სახით, ლურჯი თვალებით, ყავისფერი თმით და ულვაშებით. ბრაზილიელ ქალს ძალიან მოეწონა სათამაშო: ის დაქორწინდა თოჯინაზე და რამდენიმე თვის შემდეგ, ვითომდა შეეძინა ვაჟი, სახელად მარსელინიო. ამის შემდეგ წყვილმა კიდევ ტყუპები "გააჩინა".

ნაჭრის თოჯინის ცოლმა თქვა, რომ ოჯახის ზრდასთან ერთად ორჯერ მეტი საზრუნავი გაუჩნდა, მაგრამ ქმარი მხარს უჭერს მას და ეხმარება ბავშვების „დაბანაში, ჭამაში და დაძინებაში“.

ამასთან, ბრაზილიელმა აღნიშნა, რომ მარსელო სტრესულ სიტუაციაშია, რადგან ახლა მათ მეტი ფული სჭირდებათ. „გასავალი იზრდება და მას უწევს საკვებზე, ტანსაცმელზე, ქირაზე, ელექტროენერგიაზე, წყალსა და მედიკამენტებზე გადახდა. ასე რომ, ის ცოტათი ნერვიულობს ყველა ამ გადასახადზე, ”- აღნიშნა ქალმა.

ამავე დროს, ის ირწმუნება, რომ ნაჭრის მარსელო ყოველთვის დიდ ოჯახზე ოცნებობდა და ძალიან ბედნიერია.

თავად მორაესმა აღიარა, რომ ოცნებობს უფრო დიდ სახლში გადასვლაზე.

მანამდე მორაესმა რამდენჯერმე დაადანაშაულა ქმარი ღალატში. 2022 წლის ივნისში მან განაცხადა, რომ მარსელო არ შეჩერებულა ერთ ღალატზე და განაგრძო სასიყვარულო ურთიერთობები, მიუხედავად დაპირებებისა, რომ ერთგული დარჩებოდა.

სხვათა შორის ამ არაორდინალურ საგიჟეთს წლებია თვალს ადევნებს ბრაზილიური პრესა და როგორც ხედავთ მათი ისტორია კარგა ხანია გასცა ბრაზილიის საზღვრებს.