საახალწლო და საშობაო ხეები ქვეყნებში, სადაც ნაძვი არ ხარობს

სხვა

საახალწლო და საშობაო ხეები ქვეყნებში, სადაც ნაძვი არ ხარობს

2023, 28 დეკემბერი, 11:47

ჩვენთან, ახალი წლის სიმბოლოდ, ნაძვის ხე ითვლება და ეს დღესასწაულიც სწორედ მასთან ასოცირდება. ნაძვის ხის გარდა, ჩვენ საახალწლო სიმბოლოდ, ჩიჩილაკიც გვაქვს. ამიტომ, ზოგი ნაძვის ხესთან ერთად, სახლში ჩიჩილაკსაც დგამს. მაგრამ, ნაძვის ხე და მითუმეტეს ჩიჩილაკი, ყველგან არ არის და ამიტომ, სხვა ქვეყნებში, ამ დღესასწაულის სიმბოლოდ, სულ სხვა მცენარეები ითვლება. მაგ, :

ბრაზილიაში და მექსიკაში, ახალი წლისთვის, პალმებს რთავენ. მართალია, ის ახალი წლის სიმბოლოდ არ აღიქმება, მაგრამ სადღესასწაულო განწყობის შესაქმნელად, – გამოდგება.

ჩინეთის სამხრეთ რეგიონების მაცხოვრებლები, სადღესასწაულოდ, პატარა მანდარინის ხეს ან კუმკვატს იყენებენ. ჩინეთში ყვითელი და ნარინჯისფერი მმართველების სამოსის და ბედნიერების ფერად ითვლება.

მიუხედავად იმისა, რომ კუბელებს თავიანთი ჯადოქრების - მოგვების სჯერათ და არა თოვლის პაპის, ან სანტა კლაუსის, ისინი ზღაპრულ გარემოზე უარს არ ამბობენ და კაქტუსებს რთავენ.

აფრიკის ქვეყნებში, მცენარეებიდან, საახალწლო ატრიბუტი – ბამბუკია. მას არასდროს ჭრიან, ხოლო სადღესასწაულო განწყობის შესაქმნელად, ხეებს გირლანდებით აფორმებენ.

ტრადიციული ვიეტნამური საახალწლო ხე – კეი ნეუა, რომელიც ბამბუკის ჯოხს წარმოადგენს, ზემოდან ფოთლების პატარა კონით. ადგილობრივები მას ბუმბულით, ზარებით და ქაღალდით დამზადებული კონუსებით აფორმებენ.

დიდ ბრიტანეთში, შობის ტრადიციული სიმბოლო – ბაძგია. ზოგიერთი ვერსიით, სწორედ მისი ტოტებით გააკეთეს ქრისტეს გვირგვინი. ხოლო, წითელი ნაყოფი – სისხლის წვეთების სიმბოლოდ ითვლება.

დეკემბერი – ყველაზე ცხელი თვე არის ავსტრალიაში და სწორედ ამ თვეში ყვავდება მეტროსიდროსი – ხე ულამაზესი წითელი ყვავილებით. ამ ხეს, ახალი წლის სიმბოლოდ, მხოლოდ ავსტრალიელები კი არა, ახალი ზელანდიელებიც მიიჩნევენ.

არაუკარია – წიწვოვანი მცენარეების უძველესი წარმომადგენელია. ამ მცენარეს საახალწლოდ, ჰავაელები რთავენ.

სუდანში, ახალი წლის სიმბოლოდ, თხილის ხე ითვლება, რომელიც სიმდიდრის და ჯანმრთელობის განსახიერებად ითვლება.

ნიკარაგუაში, სადღესასწაულო – ნაყოფით დახუნძლული ყავის ხე არის. ასე, რომ, მას მორთვა არ სჭირდება. ის სიმდიდრის და ნაყოფიერების სიმბოლოს წარმოადგენს და უბრალოდ, თვალისთვისაც სასიამოვნოა.

სინამდვილეში, არც ისე მნიშვნელოვანია, რომელ ხეს მორთავენ საახალწლოდ, ან იქნება, თუ არა ის საერთოდ. დღესასწაულის დროს, მთავარი ადამიანები და მათი ემოციებია... სხვა ყველაფერი – მხოლოდ დამხმარე ელემენტებია...