"მთავარი არხის" დამფუძნებელი ნიკა გვარამია ვარკეთილში ძლიერი ქარის მიერ დაზიანებული დროშის შესახებ ირონიულ პოსტს ავრცელებს და წერს:
"რა ინტრიგანია ეს ხალხი: აბა დროშა ქარზე ხო არ იქნებოდა გათვლილი?!
ps 317 ათასი დროშა იყო თუ ოქროს საწმისი? ალბათ, მეორე და ქარმა კი არა, არგონავტებმა წაიღეს"- წერს ნიკა გვარამია "ფეისბუქის" პირად გვერდზე
შეგახსენებთ, რომ საქართველოს დროშა, რომელიც თბილისის მერიამ სულ რაღაც ერთი თვის წინ აღმართა - ქარმა წაიღო. კონსტრუქცია, რომელზეც დროშა იყო დამაგრებული და თავად ალამიც ბიუჯეტს 300 ათას ლარზე მეტი დაუჯდა. ვერავინ ამბობს, გაუძლებს თუ არა მომავალში ახალი დროშა ძლიერ ქარს, თუმცა ამ ინციდენტის გასამართლებლად მერიაში აცხადებენ, რომ დროშა სატესტო რეჟიმში იყო აღმართული.
