ზოგჯერ ვერც კი ვამჩნევთ, რამდენად აბსურდული შეიძლება იყოს მოდა. ლამაზი და კომფორტული - ეს სულ სხვა ცნებებია, და უმრავლეს შემთხვევაში ცნობილი ადამიანები სწორედ პირველს ამჯობინებენ, თუმცა არსებობს კიდევ ორი ​​კატეგორია: ლამაზი და ადეკვატური - რომელთა შორისაც განსხვავებას სელებრითები როგორც წესი, ხშირად ვერ ამჩნევენ. დღევანდელ სტატიაში წარმოგიდგენთ მსოფლიო შოუ - ბიზნესის ვარსკვლავებს, რომლებსაც ზომიერების გრძნობა ერთმნიშვნელოვნად ღალატობთ.

ჰოლზი

როდესაც ეპატაჟური ჰოლზი წვეულებაზე ან წითელ ხალიჩაზე მიწვევას იღებს, ვარსკვლავის დიზაინერთა გუნდი მყისიერად იწყებს მზადებას შემდეგი დირექტივით: "შექმენით რაიმე მართლაც ორიგინალური და, რა თქმა უნდა, თამამი ელემენტებით!".

ბლეონა კერეტი

"American Music Awards"-ის ცერემონიისთვის ნიჭიერმა ალბანელმა მომღერალმა ყურადღების მიპყრობის მიზნით გამჭვირვალე კაბა შეარჩია მკერდზე დეკორატიული სტიკერებით, თუმცა დროთა განმავლობაში მომღერალი იმ დასკვნამდე მივიდა რომ კიდევ უფრო მეტი სითამამე არ აწყენდა და გადაწყვიტა თავისი "ღირსებები" მთელი თავისი ბრწყინვალებით პუბლიკისთვის წარმოეჩინა. მსოფლიო შოუ- ბიზნესში თუ თამამ სამოსს ვინმე აღმერთებს, პირველ რიგში, ეს სწორედ მშვენიერი ბლეონაა.

ქლოი გრეის მორეცი

მსახიობი ქლოი გრეის მორეცი გარეგნულად შესამჩნევად შეიცვალა, თუმცა ვარსკვლავი სავარაუდოდ, ჯერ კიდევ ვერ მიეჩვია თავის ახალ ზომას. ზოგჯერ მისი ვიწრო ზედატანი დამატებით დატვირთვას ვერ უძლებს და ირღვევა, რის გამოც მსახიობი საზოგადოების წინაშე უხერხულ მდგომარეობაში არაერთხელ ჩავარდნილა. ერთ დროს ექსპერიმენტების მოყვარული სელებრითი არც გამჭვირვალე კოსტიუმებზე ამბობდა უარს, რაც მას კიდევ უფრო მეტ გამბედაობასა და სითამამეს მატებდა.

რიანა

მსოფლიო შოუ- ბიზნესის ვარსკვლავები შანს ხელიდან არ უშვებენ წითელ ხალიჩაზე რაც შეიძლება უფრო თამამი და გამომწვევი სამოსით წარსდგნენ. პოპულარობისთვის ვარსკვლავები მზად არიან ყველაფერი ჩაიცვან, ზოგჯერ კი - საერთოდაც არაფერი, ეპატაჟური ჩაცმულობის სიყვარულში კოლეგებს არც ბარბადოსელი ლამაზმანი რიანა ჩამორჩება, რაშიც ის არაერთხელ იქნა შემჩნეული.

ლედი გაგა

ეპატაჟური პოპ-დივა ყოველთვის უცნაური ჩაცმის სტილით გამოირჩევა და გამონაკლისად არც მისი ეს მორიგი "ლუქი" იქცა. ორ ფერში გადაწყვეტილი, გრძელი, თავისუფალი ფორმის კაბა იმდენად გამჭვირვალე იყო, რომ დამსწრე საზოგადოებას "უკანა ხედიდან" საკმაოდ შთამბეჭდავ სანახაობას სთავაზობდა, თუმცა პოპ - ვარსკვლავისთვის ეს უხერხულობას სულაც არ ქმნიდა.

ბელა ჰადიდი

ბელა ჰადიდი თანამედროვე მოდელებს შორის ყველაზე გლამურულ სტილის "ხატად" არის აღიარებული, თუმცა ზოგჯერ უხერხული მომენტები მასაც კი აქვს. ერთ-ერთი ასეთი შემთხვევა მის შავ გამჭვირვალე კომბინეზონს უკავშირდება, რომელშიც მოდელი არამარტო უცნაურად გამოიყურებოდა, არამედ მასში თავს აშკარად არაკომფორტულადაც გრძნობდა.

M.I.A

წარმოშობით შრი-ლანკელ მომღერალს, ბრჭყვიალა კოსტიუმებისა და მოდური სამოსისადმი საოცარი ლტოლვა აქვს. გოგონა გლამურული სტილის ელემენტებს ადგილობრივ მოტივებს უთანხმებს, რაც მის "ლუქებს" კიდევ უფრო მეტ გაურკვევლობასა და ეპატაჟურობას სძენს.