დღეს, მოდის სამყაროში, ძალიან პოპულარულია აფრიკული სილამაზე. ბევრს იზიდავს მუქი კანი, ტანადობა, გამჭოლი თვალები და დაუძლეველი ხიბლი. პირველი შავკანიანი, რომელიც ტოპ–მოდელი გახდა, ნაომი კემპბელი იყო. მაგრამ, არის კიდევ ერთი გოგონა, რომელიც ასევე შევა მოდის ისტორიაში და არა მარტო კანის ფერის გამო...

ნიაკიმ გატვეჩი (Nyakim Gatwech) — სუდანელი მოდელია, წარმოუდგენლად მუქი კანის ტონით. ის 14 წლის იყო, როდესაც დედასთან ერთად, აფრიკის ლტოლვილთა ბანაკიდან აშშ–ში გადავიდა საცხოვრებლად. თითქოს, ყველა მღელვარება ზურგს უკან დარჩა, მაგრამ ემიგრაციის შემდეგ, გოგონას თვითშეფასებას გამოცდის ჩაბარება მოუხდა. თანაკლასელების ბულინგის გამო, ნიაკიმა სანუკვარ ოცნებაზე — მოდელობაზე, უარის თქმა გადაწყვიტა. მაგრამ, მან მაინც შეძლო საკუთარი თავის შეყვარება, მიღება და სამოდელო ბიზნესში თავის დამკვიდრება. მისი ისტორია კი, ყველამ უნდა წაიკითხოს, ვისაც თვითშეფასება ჯერ კიდევ დაბალი აქვს.

თვალშისაცემმა გარეგნობამ ნიაკიმს, სხვა მოდელების ფონზე, გამორჩევის საშუალება მისცა. 24 წლის ასაკისთვის, მას ინსტაგრამზე უკვე 350 ათასი ხელმომწერი ჰყავდა და ისეთ ცნობილ ბრენდებთან მუშაობის გამოცდილება ჰქონდა, როგორიც Calvin Klein, Fashion Nova, Aldo და Cosmopolitan არის. თუმცა, გოგონას წარმატებისკენ მიმავალი გზა ადვილი არ იყო.

ნიაკიმ ბავშვობა აფრიკის ლტოლვილთა ბანაკებში გაატარა. მისი დედა იძულებული იყო სუდანიდან გაქცეულიყო, რადგან ქვეყანაში სამოქალაქო ომი დაიწყო. ნიაკიმის უფროსი და გარდაიცვალა, ხოლო, ძმას იარა დარჩა, დანით მიყენებული ჭრილობის შემდეგ. ამერიკაში გადასვლის შემდეგ, მომავალი მოდელის ცხოვრება ბევრად უფრო კომფორტული გახდა. მაგრამ, არა ფსიქოლოგიური თვალსაზრისით.

ბავშვები სკოლაში, გამუდმებით დასცინოდნენ, მათ ფონზე, გარეგნობით მკვეთრად გამორჩეულ მოზარდს. ნიაკიმს ეუბნებოდნენ, რომ კანის ფერი შეეცვალა, რადგან ის მეტისმეტად «ჭუჭყიანი» იყო. გოგონა ამის გამო, ტიროდა და კანის გაღიავებაზე სერიოზულადაც კი ფიქრობდა — ასე ხომ ბევრი სუდანელი ემიგრანტი მოიქცა?! როდესაც მან ეს გადაწყვეტილება დას გაუზიარა, მან უთხრა, რომ ამის უფლებას არ მისცემდა, რადგან მოგვიანებით, ამის გამო ინანებდა. დამ მას აუხსნა, რომ კანის გაუფერულებით, ის მხოლოდ კანს კი არ მოაცილებდა ფერს, არამედ, საკუთარ გონიერებასაც გააუფერულებდა.

რაღაც მომენტში, ნიაკიმმა გაიფიქრა: «ეს ბავშვები ფიქრობენ, რომ ლამაზი არა ვარ და მოდელობას ვერ შევძლებ». მაგრამ ბოლოს, ეს აზრი თავიდან მოიცილა და თავისი უნიკალური სილამაზის შეყვარება შეძლო.

უკვე პოპულარულ მოდელს, კანის გაღიავებასთან დაკავშირებით, შეკითხვა კიდევ ერთხელ მისცეს. ნიაკიმმა ამაზე მხოლოდ გაიცინა, მაგრამ მაინც გადაწყვიტა ეკითხა, თუ რატომ უნდა გაეკეთებინა ასეთი რამ? რაზეც უპასუხეს, რომ ღია ფერის კანით, მისი ცხოვრება ბევრად მარტივი იქნებოდა, როგორც პირადი, ისე კარიერული. რაზეც მოდელმა უპასუხა: «იმ შემთხვევაშიც კი, თუ უფრო ღია კანი, ჩემს ცხოვრებას გაამარტივებს, — მე მაინც რთულ გზაზე დარჩენა მირჩევნია».

ნიაკიმს მეტსახელიც კი მისცეს — მას «წყვდიადის დედოფალს» ეძახიან და მან ესეც სიხარულით მიიღო... «მკითხეს, თუ რა დამოკიდებულება მაქვს იმასთან დაკავშირებით, რომ «წყვდიადის დედოფალს» მეძახიან და ვუპასუხე, რომ მომწონს. მუქი ფერები არ უნდა იყოს მწუხარებასთან და სიკვდილთან ასოცირებული. მე «წყვდიადის დედოფალი» ვარ, რომელსაც ირგვლივმყოფთათვის სინათლე და სიყვარული მოაქვს» — აღნიშნა, ერთ–ერთ ინტერვიუში ნიაკიმ გატვეჩმა.

ნიაკიმმა, თავისი საქციელით, უამრავი ქალის შთააგონა მთელს მსოფლიოში, იმასთან დაკავშირებით, რომ მათ, საკუთარი თავის და საკუთარი უნიკალობის მიღება ისწავლონ. მაგრამ, ყველაზე მთავარი ის არის, რომ ამ მამაცმა გოგონამ თაყვანისმცემლებს საკუთარი თავისადმი სიყვარულის და პატივისცემის სურვილი გადასდო, რაზეც ყოველგვარი დაცინვა და დამცირება «იმსხვრევა».

ნიაკიმის სილამაზე ძალიან დაფასებულია წამყვანი დიზაინერების მიერ და გოგონას ყველა შანსი აქვს იმისთვის, რომ ტოპ–მოდელი გახდეს.

სხვა სიახლეები:

* უცნაური გორილა კოკო

* ამ ფოტოებზე რა ხდება? – სახალისო სურათები (III ნაწილი)

* პატარძლები პროფესიონალ ვიზაჟისტთან ვიზიტამდე და მის შემდეგ

* ღვიძლის გაწმენდა თაფლის საშუალებით მარტივად და ეფექტურად