მინი ქვედაბოლომ რევოლუცია მოახდინა მოდის სამყაროში 1960–იან წლებში, გახდა თაობის სიმბოლო და ქალის გარდერობის მნიშვნელოვანი ნაწილი. დღეს ქვედაბოლოს სიგრძე შეიძლება შეიცვალოს ტრენდებიდან გამომდინარე, მაგრამ ადრე დიზაინერებს უჭირდათ - ყოველი სანტიმეტრისთვის ბრძოლა უწევდათ.

გთავაზობთ შევიხედოთ მოდის ისტორიის უღრან ტყეში და გავიხსენოთ, როგორ მოაღწია ლეგენდარულმა ტანსაცმელმა დღემდე.

5400 – 4700 წლებში ჩვ.წ.–მდე

რა თქმა უნდა, ქალები მოკლე ტანსაცმელს 1960–იან წლებამდეც ატარებდნენ. მინი ქვედაბოლოზე პირველი ხსენება გვხვდება ჯერ კიდევ ეგვიპტეში – ქალები ასეთ ტანსაცმელში სპორტს თამაშობდნენ. ჩინეთის ქრონიკებში ქალები გამოსახულნი არიან მოკლე კაბაში, როცა საოჯახო საქმებს ასრულებენ.

1920–იანი წლები

გასული საუკუნის დასაწყისში ქალის ტანსაცმლის შესახებ შეხედულებები კონსერვატიული იყო და მოკლე ქვედაბოლო მხოლოდ სპორტისა და ცეკვისთვის იყო განკუთვნილი. თუმცა მსახიობები და მოცეკვავეები სულ უფრო ხშირად ჩნდებოდნენ მოკლე კაბებში არა მხოლოდ სცენაზე, არამედ საზოგადოებაში. მოცეკვავე ჟოზეფინა ბეიკერი ღია სამოსით დაიარებოდა, მის მიბაძვას კი ბევრი მოდის მიმდევარი ცდილობდა.

1950-იანი წლები

ვინაიდან საზოგადოება ჯერ კიდევ არ იყო მზად ქუჩაში ეხილა ქალი მოკლე კაბაში, ეს მოკლე კაბა დიდ ეკრანზე გადავიდა. ფილმების „მარსზე გაფრენა“ და „აკრძალული პლანეტა“ კოსტიუმების დიზაინერებს არ შეეშინდათ ჩაეცვათ გმირებისთვის ფუტურისტული მოკლე სამოსები.

1960-იანი წლების პირველი ნახევარი

ამ პერიოდმა გავლენა მოახდინა არა მხოლოდ მოდის ისტორიაზე, არამედ ქალთა უფლებების დაცვის ისტორიაზეც. ანდრე კურჟესმა და მერი კვანტმა მსოფლიოს გააცნეს ქალის ფეხები და გმირები გახდნენ. მოძრავი და მოურიდებელი ლონდონი მინი ქვედაბოლოს სამშობლო გახდა. ლონდონის მაღაზიის Bazaar წინ გრძელი რიგები იდგა. მთელი ლონდონი დაბრმავებული იყო შიშველი ქალის ფეხების სიმრავლით. ეპოქის სიმბოლო გახდა მოდელი ტვიგი მოკლე თმით და ბიჭური ფიგურით.

1960-იანი წლების მეორე ნახევარი

1960-იანი წლების მეორე ნახევრისთვის უკვე ყოფილი პირველი ლედი ჯეკი კენედიც კი ატარებდა მოკლე ქვედაბოლოს. თან არა სადმე, არამედ საკუთარ ქორწილში არისტოტელე ონასისთან. მოდის ინდუსტრია აფეთქდა მინი ქვედაბოლოს ვარიაციებით. არ იყო არც ერთი დიზაინერი, რომელიც თავის კოლექციაში არ რთავდა მინი ქვედაბოლოს, – ივ სენ ლორანიდან პაკო რაბანამდე.

1970-იანი წლები

არ დაგვავიწყდეს, რომ მოდა ცვალებადია, როგორც ამინდი. როგორც კი მინი ქვედაბოლოს ისტერიამ გადაიარა, მოვიდა 1970-იანი წლები კლიოში შარვლებით, შუა სიგრძის ქვედაბოლოთი და ჩახსნილი კაბებით. მინი ქვედაბოლო გადავიდა როკ სცენაზე, სადაც უფრო შესაფერისად გამოიყურებოდა, ვიდრე პოდიუმზე.

1980-იანი წლები

კინო აქტიურად იბრძოდა მოდეის თაყვანისმცემლების გულებში ადგილისთვის. თითოეულს ჟანრს ჰქონდა შეთანხმება ტანსაცმლის ნაწილთან: სლეშერ ფილმებს ჰყავდათ გულშემატკივრები მოკლე ფორმაში, რომანტიკულ კომედიებში გამოსახულნი იყვნენ გმირები, რომლებიც როგორღაც აცდუნებდნენ შეყვარებულებს მინი ქვედაბოლოთი. გარდა ამისა, მასობრივი კულტურის კიდევ ერთმა საყრდენმა, მუსიკალურმა ინდუსტრიამ, ესტაფეტა კინოსგან აიღო. მადონა თავის კლიპებში ირჩევდა უმოკლეს ქვედაბოლოებს, რომლებიც ცნობილი იყო კაცობრიობისთვის. თუ ეს უბრალოდ ქამარი იყო?

1990-იანი წლები

შემდეგ მოვიდა 1990-იანი წლები და მინი ქვედაბოლო გახდა არა მხოლოდ პოპულარული ტანსაცმელი, არამედ მარკეტინგული ინსტრუმენტი. გაიხსენეთ ფილმი „ლამაზმანი“ ჯულია რობერტსის მონაწილეობით და მისი ულტრა მოკლე ქვედაბოლო და თეძოებამდე მაღალი ჩექმები. ფილმის გამოსვლის შემდეგ ყველა ცდილობდა ამ სტილის მიბაძვას. არ დაგავიწყდეთ ბრიტნი სპირსის ლეგენდარული ვიდეო - ბრიტნიმ პლესებიანი მოკლე ქვედაბოლოთი საზოგადოება გააგიჟა.

XXI საუკუნე

დღეს ძნელია მოიგონოთ რაიმე ახალი მინი ქვედაბოლოსთვის: პოდიუმზე ჩნდება ახალი ვარიაციები, მინი ქვედაბოლო შეგიძლიათ ჩაიცვათ შარვალზე ან თუნდაც კაბაზე. მაგრამ ერთი რამ უცვლელია – გარდერობის ეს ელემენტი კვლავ ეხმარება ქალს დარჩეს თვალისმომჭრელი.

აქ შეგიძლიათ ნახოთ 18 სასაცილო და თამამი ტრენდი 2000-იანებიდან, რომლებიც კვლავ აქტუალური გახდა.

უფრო მეტი იხილეთ აქ: Yoona-ს არხი