მაშინ, როცა ფრანგები განგაშის ზარს სცემენ დიდი რაოდენობის საწოლის ბაღლინჯოების შემოსევის გამო, ბრიტანელები ამის შესახებ სამარცხვინოდ დუმან. ყოველ შემთხვევაში, ასე ამბობს მიკრობიოლოგი და Bed Bugs Ltd-ის დამფუძნებელი, დევიდ კეინი. მეცნიერს მოჰყავს უბრალოდ საშინელი მაჩვენებლები: სულ რაღაც ერთ წელიწადში დიდ ბრიტანეთში 65%-ით გაიზარდა ბაღლინჯოები.

საწოლის ბაღლინჯოები აქტიურად ბინადრობენ ლონდონის ავტობუსებში, კინოთეატრებში, საავადმყოფოებსა და საზოგადოებრივ ადგილებში. ხალხი ეშინია შვებულებიდან დაბრუნების შემდეგ საწოლის ბაღლინჯო არ მოიყოლონ, მაგრამ რეალობა ისაა, რომ სისხლისმწოველმა მწერმა დაიბუდა გაერთიანებულ სამეფოს მატარებლებში, კინოთეატრებსა თუ სახლებში. დევიდ კეინი ფიქრობს, რომ ლონდონს ალბათ ისეთივე დონის პრობლემა აქვს, როგორიც ამჟამად პარიზში ხდება... განსხვავება ისაა, რომ პარიზელები ამ პრობლემაზე ღიად საუბრობენ, ბრიტანელებს კი რცხვენიათ და „ცდილობენ ეს ყველაფერი საიდუმლოდ შეინახონ". პრობლემა იმაშიც მდგომარეობს, რომ ამ მწერებს აქვთ ძლიერი იმუნიტეტი ინსექტიციდების მიმართ და მათი მოწამვლა ჩვეულებრივი მეთოდებით აღარ არის შესაძლებელი.

მეცნიერი მოუწოდებს მოსახლეობას პარაზიტის აღმოჩენისთვის აქტიურად შეამოწმონ ბინები. თუ ამას დისპილინირებულად არ გააკეთებთ ყოველთვიურად მაინც, დადგება დღე, როცა ლეიბს აწევთ და იქიდან 5000 ან 6000 საწოლის ბაღლინჯო შემოგხედავთ

ამავდროულად, საფრანგეთში 1500 კაცზე გათვლილი 7 სკოლა უკვე დაიხურა ბაღლინჯოების შემოსევის გამო.

„საწოლის ბაღლინჯოები გამოვლინდა სხვადასხვა დონეზე... მიმაჩნია, რომ 17 დაწესებულებას აქვს ეს პრობლემა და ამჟამად, სანამ მე გესაუბრებით, შვიდი დაწესებულება დაკეტილია ამ მიზეზით“, - განუცხადა განათლების მინისტრმა გაბრიელ ატალმა ფრანგულ ტელევიზიას.