ვარსკვლავები "ვულგარულობის ზღვარზე": ვარსკვლავები, რომლებმაც თავიანთი "ში#ველი" კაბებით ყველა შოკში ჩააგდეს 2023, 28 სექტემბერი, 19:10 
ჰოლივუდის ცნობილი სახეები თავიანთ გარეგნობას და ჩაცმულობას დიდ ყურადღებას აქცევენ, ვინაიდან მათი პოპულარობა სწორედ იმაზეა დამოკიდებული თუ რამდენად ლამაზად, მოდურად, ჰარმონიულად და სექსუალურად გამოიყურებიან ისინი. სელებრითები საკუთარი ინდივიდუალობის ხაზგასასმელად ხშირად მნიშნელოვანი ღონისძიებებისთვის თამამ და გამჭირვალე სამოსს ირჩევენ, რაც მათ საზოგადოების თვალში კიდევ უფრო დასამახსოვრებელს ხდის. თქვენ წინაშეა ვულგარულობის ზღვარზე მყოფი ვარსკვლავები, რომლებმაც თავიანთი "შიშველი" კაბებით ყველა შოკში ჩააგდეს.
რიტა ორა
მომღერალი პუბლიკის წინაშე გაშიშვლებას არ ერიდება. როგორც ჩანს, მთავარი რაც მომღერალს საკუთარ ჩაცმულობაში აღელვებს არის ის, რომ ყოველთვის დასამახსოვრებლად და ეპატაჟურად გამოიყურებოდეს.
ელ ფენინგი
ახალგაზრდა მსახიობის ერთ-ერთმა ბოლო გამოჩენამ კანში მის თაყვანისმცემლებს გული აუჩქარა. საქმე კი "პაკო რაბანის" კაბის ზედა ნაწილის არქონაში მდგომარეობდა, სადაც გოგონას "ღირსებებს" მხოლოდ უპრეტენზიო ყვავილები უფარავდა. როგორც ჩანს, გაზრდილმა ფენინგმა, უპირატეობის მინიჭება სულ უფრო თამამი სამოსისთვის დაიწყო, რაც სხვათა შორის, მას ძალიან უხდება.
ენ ჰეთეუეი
ბოლო პერიოდში ამერიკელი მსახიობი უპირატესობას სულ უფრო ხშირად ანიჭებს მგრძნობიარე და თამამ სამოსს, და უნდა ითქვას რომ ენი სექსუალობის ზომიერებასთან შერწყმას საკმაოდ ჰარმონიულად ახერხებს. ტყავმა, მინიმ და ბადისებრმა კაბებმა მსახიობის იმიჯს სრულიად ახლებური და სექსუალური იერი შესძინა.
ბელა ჰადიდი
მოდელი ეპატაჟური სამოსის დიდი მოყვარული არ გახლავთ. როგორც თავად გოგონა აღიარებს, მას უყვარს კომფორტული, ტანზე მომდგარი სამოსი, თუმცა საზოგადოება და პოპულარობა პერიოდულად მისგან ეპატაჟსაც მოითხოვს, ამიტომ ის მნიშვნელოვან ღონისძიებებზე დასასწრებად უპირატესობას ყოველთვის პროვოკაციულ და გამომწვევ სამოსს ანიჭებს.
მეგან ფოქსი
მსახიობი მსოფლიოს ერთ-ერთ ყველაზე მაცდუნებელ ქალად არაერთხელ იქნა აღიარებული. მან აღნიშნული ტიტული მათ შორის თამამი სამოსის სიყვარულის გამოც დაიმსახურა. "ტრანსფორმერების" ვარსკვლავი ტყავის, ლატექსის, კორსეტის, ღრმა ჭრილისა და დეკოლტის დიდი მოყვარული გახლავთ, და თუ მისი ჩაცმულობის მიხედვით ვიმსჯელებთ, თამამი სამოსისადმი მისი განსაკუთრებული სიყვარული გასაკვირი სულაც არ არის.
ჰეილი ბიბერი
გამჭვირვალე კაბებისა და მოკლე ქვედაბოლოების მოყვარული ყოველთვის ელეგანტურად გამოიყურება, მაშინაც კი თუ მოდელის "ლუქები" მეტისმეტად თამამია. ფერთა გამის, ნაჭრებისა თუ აქსესუარების არჩევა მან ისე იცის როგორც ნამდვილმა სტილისტმა. ჰაილის ჩაცმულობაზე ნამდვილად ვერ ვიტყვით რომ ის ვულგარულია, მაგრამ აი, თამამი და სექსუალური კი, ნამდვილად არის.
ზენდაია
ზენდაიას ყოველი გამოჩენა - ერთი შოუა. ეფექტური გარეგნობის მქონე ნიჭიერი მსახიობი მნიშვნელოვანი ღონისძიებებისთვის ყოველთვის თამამ ჭრილიან და ღრმა დეკოლტიან კაბებს ირჩევს, ზენდაიას "ლუქები" ელეგანტურობით, ჰარმონიულობითა და პიკანტურობით გამოირჩევა.
ჰაიდი კლუმი
ყოფილ მოდელს წელს 50 წელი შეუსრულდა, თუმცა ლამაზმანი თამამ სამოსზე უარის თქმას არც კი ფიქრობს. ყოფილი სუპერმოდელი საკუთარ თავს დიდ დროს უთმობს, ის აქტიურად არის დაკავებული სპორტით და კვების რაციონსაც დიდ ყურადღებას აქცევს, ამიტომაც თავს საკუთარი შრომის შედეგის დემონსტრირების უფლებასაც აძლევს.
|
