ხელისუფლებაში მყოფი ქალბატონების პირადი ცხოვრება საზოგადოების მხრიდან ყოველთვის იქცევს განსაკუთრებულ ყურადღებას. რა სისუსტეები ეხმარებოდა ან უშლიდა ხელს რუსეთის იმპერატრიცებს ქვეყნის მართვაში? დღევანდელ სტატიაში სწორედ ამაზე ვისაუბრებთ.

ეკატერინე I

პეტრე I-ს ტრაბახი უყვარდა, რომ მის მეუღლეს ნებისმიერ კარგ მსმელ მამაკაცზე უფრო მეტის დალევა შეეძლო. ის ხშირად აწყობდა ქეიფებს, რომელიც მხოლოდ მაშინ მთავრდებოდა, როცა ბოლო სტუმარი სუფრის ქვეშ აღმოჩნდებოდა. ეს რუსეთის პირველ იმპერატორს მეტისმეტად სახალისოდ ეჩვენებოდა. მისი გარდაცვალების შემდეგ, იმპერატრიცა მისი საყვარელი მეუღლე ეკატერინა ალექსეევნა გახდა, ქალწულობის გვარით მარტა სკავრონსკაია. მას არ შეეძლო უზარმაზარი იმპერიის მართვა და ყველაფერში თავის მეგობარსა და მრჩეველს ალექსანდრე მენშიკოვს ეყრდნობოდა, თუმცა იმპერატრიცა სიამოვნებაზე საკუთარ თავს უარს არაფერზე ეუბნებოდა. ძლიერი სასმელების ბოროტად გამოყენებამ მის ჯანმრთელობაზე უარყოფითი გავლენა იქონია.

ანა იოანეს ასული

პეტრე I-ის ძმისშვილი კურლანდის გაღატაკებულ საჰერცოგოში იმდენ ხანს ცხოვრობდა, რომ რუსეთის იმპერატრიცად გახდომის შემდეგ შეუზღუდავი ძალაუფლებისგან თავი მთლიანად დაკარგა. მან თავისთან მყისიერად დაიბარა საყვარელი ბირონი და საზოგადოებრივი საქმეების მართვა პრაქტიკულად შეწყვიტა. მის საყვარელ გართობას ბანქოს თამაში, ყვავებზე ნადირობა და ჭორების შეგროვება წარმოადენდა, ამიტომ სპეციალურად დაქირავებული ქალების მთელი ბრბო ეზო - ეზო დაძრწოდა, რომლებიც ყველას უსმენდნენ და თვალყურს ადევნებდნენ, რათა მოგვიანებით ყველაფერი იმპერატრიცასთვის დეტალებში მოეთხროთ. ანა იოანეს ასულს ქუსლების ფხანვასთნ ერთად ასევე ზღაპრებისა და სახალისო ისტორიების მოსმენა უყვარდა, და ეს კიდევ არაფერი, რომ არა ის საოცარი სისასტიკე, რასაც იმპერატრიცა იმ ადამიანების მიმართ იჩენდა, ვისაც მისი რისხვა თავს დაატყდებოდა.

ანა იოანეს ასულის ბოროტი ხუმრობის ყველაზე ცნობილი მსხვერპლი, პრინცი გოლიცინია, რომელიც ჯერ კლოუნად აქციეს, შემდეგ კი ჯუჯაზე დაქორწინება და ყინულის სახლში ღამის გათევა აიძულეს.

ელისაბედ პეტრეს ასული

პეტრე დიდის ქალიშვილს გასაოცარი უნარი ჰქონდა სახელმწიფო საქმიანობა გართობის სიყვარულთან შეეთავსებინა. მეჯლისების, მასკარადებისა და სხვა გართობების მოყვარულს ძალაუფლება ხელში მყარად ეჭირა. მოდის დიდი მოყვარული, ელისაბედი I ამ სფეროში მეტოქეებს ვერ იტანდა. არ შეიძლებოდა იმპერატრიცაზე უფრო ძვირიანი და მდიდრული კაბებისა და სამკაულების ტარება, ასევე იკრძალებოდა მისი მსგავსი ვარცხნილობის გამეორებაც. მას შეეძლო ზედმეტად თავხედი ფრეილინასთვის ყურებიდან საყურეების ჩამოგლეჯა ან მისთვის სახეში სილის გაწვნა. სახელმწიფო გადატრიალების შედეგად ხელისუფლებაში მოსული ელისაბედი საზოგადოებისთვის საეჭვო პიროვნებად ითვლებოდა. მისი მმართველობის პირველ და ყველაზე სერიოზულ ცოდვად კი ჩვილი ივანე VI-ის დაპატიმრება იქცა.

ეკატერინა II დიდი

მოწესრიგებულ და მომთმენ ეკატერინეს საკუთარი სურვილების გაკონტროლება ისე შეძლო როგორც სხვას არავის. მან საკუთარი სისუსტეებისა და ნაკლოვანებების შესახებ ბრწყინვალედ იცოდა, თუმცა თავის სურვილებს ის ყოველთვის თოკავდა. საკვებსა და სასმელში ზომიერი, ყოველდღიურ ცხოვრებაში მოკრძალებული, ფორმაში ყოფნას ყოველთვის ცდილობდა. ადრე დგებოდა და ბევრს მუშაობდა.

იმპერატრიცას სისუსტე მხოლოდ ლამაზი, ახალგაზრდა მამაკაცები იყვნენ, მაგრამ ის მათ ფასს ყოველთვის ხვდებოდა და ნიჭიერი ახალგაზრდების შესაძლებლობებს მხოლოდ სახელმწიფოს სასარგებლოდ იყენებდა.