ცნობილი მომღერალი კრისტინა აგილერა ვაშინგტონში აშშ-ს სახელმწიფო დეპარტამენტის შენობას ესტუმრა, სადაც შიმშილის წინააღმდეგ ბრძოლისთვის ჰილარი კლინტონმა დააჯილდოვა.

მომღერალი დიდი ხანია გაეროს კეთილი ნების ელჩია. 2007 წლიდან მოყოლებული საქველმოქმედო კონცერტებით მან 117 მილიონი დოლარი მოაგროვა.

"ყოველ 6 წამში მსოფლიოში ერთი ბავშვი კვდება შიმშილით, როდესაც მე თვითონ გავხდი დედა ჩემში რაღაც შეიცვალა, მივხვდი, რომ აუცილებლად უნდა ჩავერთო შიმშილის საწინააღმდეგო კამპანიაში და სიტუაცია უკეთესობისკენ შევცვალო, "-აცხადებს აგილერა.