კერტი, ვიცით, რომ ძუძუს თავია. ყველამ იცის, რა ფუნქციებს ასრულებს ქალის მკერდი - ბავშვის კვება, რომელიც სწორედ ძუძუსთავებით ხორციელდება, მაგრამ დაფიქრებულხართ თუ რისთვის სჭირდებათ მამაკაცებს კერტები? უფრო მეტიც, მამაკაცს არა მხოლოდ ძუძუს თავები -კერტები, არამედ სარძევე ჯირკვლებიც აქვთ. თეორიულად, მათაც შეეძლოთ შთამომავლობის ძუძუთი კვება, მაგრამ მამაკაცებში სარძევე ჯირკვლები განუვითარებელია. და, ისმის კითხვა: "აბა რისთვის სჭირდებათ მათ ის?"

რატომ აქვთ მამაკაცებს კერტები - იცოდით?!

ამ კითხვაზე პასუხს ემბრიოლოგია გასცემს.

გავიხსენოთ როგორ ყალიბდება ადამიანის სხეული - ადრეულ სტადიაზე ემბრიონს ჯერ არ აქვს სექსუალური მახასიათებლები და სხეულის სხვადასხვა ნაწილი (მკლავები, ფეხები, თითები, აგრეთვე ძუძუს წვერები) ერთნაირად ყალიბდება ყველასთვის, მიუხედავად იმისა, ბიჭია თუ გოგო. ეს ხდება განვითარების დაახლოებით 3-დან 7 კვირამდე.

მხოლოდ ამ პერიოდის შემდეგ, ჰორმონებისა და ქრომოსომების გარკვეული ნაკრების გავლენის ქვეშ, ემბრიონი იწყებს ქალის ან მამრობითი სქესობრივი მახასიათებლების განვითარებას. ანუ, სარძევე ჯირკვლები პაწაწინა არსებაში ჩნდება სქესის ფორმირების ჰორმონების მოზღვავებამდე დიდი ხნით ადრე. სავარაუდოდ, ბუნებამ უზრუნველყო ასეთი განვითარების მახასიათებელი რეპროდუქციული სისტემის გასამარტივებლად (ზუსტი მიზეზი მეცნიერებისთვის უცნობია), მაგრამ ყველა ინდივიდი, განურჩევლად სქესისა, დაჯილდოებულია სხეულის ისეთი ნაწილით, როგორიცაა კერტები.

ჰორმონი ესტროგენის გამომუშავების წყალობით, ქალის სარძევე ჯირკვლები იზრდება და მათში რძის გამომუშავება ხდება. მამაკაცის სარძევე ჯირკვლები არ გამოიმუშავებს დიდი რაოდენობით ესტროგენს, ამიტომ ისინი არ ვითარდება და არ ფუნქციონირებს ისე, როგორც ქალებში. თუმცა, მამაკაცებს აქვთ ჰორმონალური დისბალანსის შემთხვევები: შეიძლება გამოიმუშაოს მათმა სარძევე ჯირკვლებმა ძალიან ბევრი ესტროგენი, რის გამოც შესაძლოა მკერდი გაიზარდოს, რაც ნორმიდან გადახრაა და ეს ექიმთან აუცილებელი კონსულტაციის მიზეზია.