"ლეიბორისტული" პარტიის ლიდერი შალვა ნათელაშვილი "CNews Exclusive"-ის მიერ გავრცელებულ პრემიერ ირაკლი ღარიბაშვილის მანჰეტენზე გადაღებულ კადრებს "ფეისბუქის" პირად გვერდზე აზიარებს და წერს:

"შოვში მათ შორის მისი პირადი ბრალით დაღუპულთა დაკრძალვაზე დასწრების ნაცვლად ჩვენგან აფცქვნილი მილიარდებით ნიუ--იორკში საგრიალო--სავაჭროდაა. საერთოდ მიკვირს ამერიკის ხელისუფლების, უამრავ ჩვენს ამათი პოლიტიკით გაწამებულ მოქალაქეს ვიზაზე უარს ეუბნებით ხოლო ეს პუტინის ინკუბატორი და ანტიამერიკანიზმის მაშხალები თავისუფლად გრიალებენ თქვენს ქვეყანაში."- ვკითხულობთ შალვა ნათელაშვილის პოსტში.

შეგახსენებთ, რომ დღეს შოვში დაღუპული დუდაშვილების ოჯახის ოთხი წევრი - ნატო ჭელიძე, ლუკა, ანდრია და ანასტასია დუდაშვილები თბილისში დაკრძალეს. შოვში დაღუპულ ოჯახს გიორგი დუდაშვილი მთელი თვე ეძებდა. 3 აგვისტოს მოვარდნილმა საშინელმა ღვარცოფმა არა მხოლოდ კოტეჯები, მთლიანად შოვი წალეკა. "კაცი თოჯინით" იგივე გიორგი დუდაშვილი მაშინ პირდაპირ ეთერში ტიროდა და მთავრობას ევედრებოდა ღვარცოფში ჩარჩენილების ძებნა ღამითაც გაეგრძელებინათ, თუმცა იმ ღამეს ვერტმფრენებს არ უმუშავიათ. სამუშაოები მხოლოდ დილით განახლდა.

ცნობისთვის, რაჭაში მეწყერი 3 აგვისტოს ჩამოწვა. ბოლო მონაცემებით, შოვში სულ 31 ადამიანის ნეშტი იქნა ნაპოვნი, აქედან 28 გარდაცვლილი ინდენტიფიცირებულია.