UFC-ის რვა პროფესიონალმა მებრძოლმა, მათ შორის ბრაზილიელმა ჯიუ-ჯიცუს ჩემპიონებმა, შესთავაზეს SpaceX-ის, Tesla-სა და Twitter-ის ხელმძღვანელს, ილონ მასკს, მეტას ხელმძღვანელთან მარკ ცუკერბერგთან ბრძოლის წინ ვარჯიში. ამის შესახებ New York Post-ი იტყობინება.

მასკის გაწვრთნის მსურველებს შოის არიან ყოფილი MMA ჩემპიონი ჩად რობიშო, UFC-ის მებრძოლი ჯალინ ტერნერი, UFC-ის ყოფილი ჩემპიონი მსუბუქ წონაში კვინტონ ჯექსონი, Strikeforce ჩემპიონი და UFC ტიტულის პრეტენდენტი ნეიტ მარკარტი, UFC-ის ამჟამინდელი ჩემპიონი ალექს მორონო, ბრაზილიელი ჯიუ ჯიცუს ინსტრუქტორი ვინისიუს კარაკულინო მაგალაესი და გრეისი უმცროსი, რომლის მამა კარლოს გრეისი ითვლება ბრაზილიური ჯიუ-ჯიცუს ერთ-ერთ დამფუძნებლად.

მათ თავიანთი სურვილი ცუკერბერგის მიმართ სიძულვილით ახსნეს. „არავის მოსწონს ცუკერბერგი, რადგან ის არის კომუნისტი, რომელიც თრგუნავს სიტყვის თავისუფლებას და ანგრევს სხვა ადამიანების ბიზნესს“, - თქვა ჩად რობიშომ, რომელიც მართავს ვეტერანთა დახმარების ფონდს სახელწოდებით Mighty Oaks Foundation. მისი თქმით, ცუკერბერგის მიერ დადგენილი წესები მას უამრავ უხერხულობას უქმნის. „ყოველ ორშაბათს მე მაქვს შეხვედრა თანამშრომლებთან, უნდა ვიმსჯელოთ იმაზე, რისი თქმაც შეგვიძლია ან არ შეგვიძლია [სოციალურ მედიაში], რათა არ დაგვბლოკონ".

"მე გადავწყვიტე, სიტყვის თავისუფლებისთვის ილონ მასკის მხარეს დავმდგარიყავი. ცუკერბერგი თავის პლატფორმებზე ართმევს სიტყვის თავისუფლებას", - თქვა კვინტონ ჯექსონმა. "მასკი უფრო ჰგავს ბიჭს, რომელსაც შეუძლია სიტყვის თავისუფლების დაცვა."


”მე ვისურვებდი, რომ ილონმა გაიმარჯვოს, ჩემი აზრით, ეს იქნება კაცობრიობის დიდი გამარჯვება”, - განუცხადა BJJ-ის ჩემპიონმა (ბრაზილიური ჯიუ-ჯიცუ) თომას კრონინმა ჟურნალისტებს და აღნიშნა, რომ იგი მხარს უჭერს SpaceX-ის ხელმძღვანელის ფილოსოფიურ შეხედულებებს.

მასკი, რომელიც მსოფლიოს უმდიდრესი ადამიანია, ცუკერბერგს ივნისში დაუპირისპირდა ჩხუბს Meta-ის ხელმძღვანელის გადაწყვეტილების გამო, გაეშვა Threads პლატფორმა, რომელსაც მასკი მისი სოციალური ქსელის Twitter (X) კონკურენტად თვლის. ილონმა მალევე გამართა ვარჯიში ბრძოლისთვის მოსამზადებლად. ცნობილი გახდა, რომ მილიარდერების ბრძოლა შესაძლოა კოლიზეუმში გამართულიყო. მოახლოებულმა მოვლენამ ქსელში რეზონანსი გამოიწვია და მრავალი ხუმრობისა და მემის ობიექტი გახდა. თუმცა, ბევრი მომხმარებელი ეჭვობს, რომ მილიარდერების ბრძოლა ნამდვილად გაიმართება.


გასულ კვირას მარკ ცუკერბერგმა განაცხადა, რომ ილონ მასკი ჩხუბს „თავს არიდებს“ და „არასერიოზულად“ აწყობს ბრძოლას. ცუკერბერგმა თქვა, რომ მან მასკს "რეალური თარიღი" შესთავაზა და UFC-ის პრეზიდენტი დანა უაითი დათანხმდა საქველმოქმედო ჩხუბის მასპინძლობას, მაგრამ მასკი არ დათანხმდა. „ილონმა არ დაადასტურა თარიღი, შემდეგ თქვა, რომ ოპერაცია სჭირდებოდა, ახლა კი ჩხუბის ნაცვლად ჩემს ეზოში ვარჯიშს ითხოვს“, - განაცხადა ცუკერბერგმა.


ამის საპასუხოდ მასკმა განაცხადა, რომ ცუკერბერგმა უარი თქვა კოლიზეუმში ბრძოლაზე. "იტალიამ შემოგვთავაზა კოლიზეუმი. ზაკმა უარი თქვა. მე შევთავაზე მისი სახლი, როგორც "უსაფრთხო ადგილი". დაწერა მასკმა სოციალურ ქსელ X-ში.