ქ. ქაიროს ეგვიპტოს მუზეუმმა საინტერესო კვლევა გამოაქვეყნა იმ მრავალრიცხოვან მუმიათაგან ერთ-ერთზე, რომლებიც ტაჰრირის მოედანზე მდებარე ცნობილი შენობის სარდაფში ინახება.

მამაკაცის მუმია ედფუდან, მუზეუმში საუკუნეზე მეტი ხნის განმავლობაში ინახებოდა. აქ იგი 1916 წელს მოხვდა, ნაჰ ელ-ჰასაიას ნეკროპოლის გათხრებიდან, რომლის სამარხები ძირითადათ პტოლემეების გვიან პერიოდს მიეკუთვნება.

მუმია ორ სარკოფაგში იყო ჩასვენებული: შიდა სარკოფაგი შესრულებული იყო ეგვიპტური კანონებით, მდიდრულად მოხატული, მოოქროვილი და დაფარული ეგვიპტური იეროგლიფებით; გარე სარკოფაგი კი შეიცავდა ტექსტებს, შესრულებულს ბერძნულ ენაზე. მუმია დაფარული იყო მუქი ყავისფერი ქსოვილით, თავზე მოოქროვილი ნიღბით, მკერდზე ფართო სამკაულით, ხოლო ფეხებზე სანდლები ემოსა. სასქესო ორგანოც ქსოვილით იყო დაფარული. ის, რომ ნეშტი არ იყო წინადაცვეთილი, მიუთითებს იმაზე, რომ იგი ეგვიპტელი არ ყოფილა. ძველ ეგვიპტეში წინადაცვეთა არ იყო სავალდებულო, თუმცა ეგვიპტელი მამაკაცების უმრავლესობა (თუ მუმიების მიხედვით ვიმსჯელებთ) მაინც მისდევდა ამ წესს.

პირველადმა კომპიუტერულმა ტომოგრაფიამ აჩვენა, რომ ქსოვილებისა და მოოქროვილი ნიღბის ქვეშ 14-15 წლის მოზარდის სხეულია. კბილების მდგომარეობისა და მუმიფიკაციის ხარისხის მიხედვით, დადგინდა, რომ იგი დიდგვაროვანი ოჯახის წარმომადგენელია. მიცვალებულის სიმაღლე 127, 7 სმ.-ია, შინაგანი ორგანოებიდან მხოლოდ გული აქვს ადგილზე. ქსოვილების ნაკეცებს შორის აღმოჩენილ იქნა 49 ამულეტი, აქედან 30 ოქროსია, დანარჩენი ფაიანსისა და ნახევრად ძვირფასი ქვებისგანაა შესრულებული. მუმიის ენა დაფარული იყო ოქროს თხელი ფირფიტებით, რათა ენა დაცული ყოფილიყო გახრწნისგან და მიცვალებულს ოსირისის სამსჯავროზე შესძლებოდა პასუხის გაცემა.

"ოქროს ბიჭუნას" მუმიაზე აღმოჩენილი ამულეტები ტომოგრაფიის პროცესში: 5-ოქროს ჭურჭელი-სიტულა, 6-ოქროს "ჯედი", 7-ოქროს "უჯათი", 8-ოქროს "შუტი", 9-ოქროს ხოჭო, 10-ოქროს "უჯათი", 11-ქვის "უჯათი", 12-ფაიანსის ნახევარმთვარე, 13-ოქროს ხოჭო, 14-ფაიანსის ნახევარმთვარე, 15-გველის ქვის თავი, 16-ისიდას ოქროს კვანძი "თიტი", 17-ოქროს ფირფიტა, 18-ფაიანსის "უჯათი", 20-ოქროს "შუტი", 21-ოქროს სიტულა, 22-ქვის პლაცენტა, 23-ოქროს "ჯედი", 24-ოქროს კუთხე, 25-ოქროს ჭურჭელი "ნუ", 26-ფაიანსის ნახევარმთვარე, 27-ოქროს სიტულა, 28-ოქროს ჭურჭელი, 29-ოქროს ამულეტი "აქეტი", 30-ოქროს ცილინდრი, 31-ოქროს მძივი, 32-ფაიანსის "აქეტი", 33-ოქროს ცილინდრი, 34-ოქროს სიტულა, 37-ოქროს "ჯედი", 38-ოქროს ზიგზაგი, 39-ამულეტი "ტებტი", 40-ოქროს ფირფიტა.

მიუხედავად იმისა, რომ მუმია, რომელსაც "ოქროს ბიჭუნა" უწოდეს, ძალიან კარგად არის შემონახული, მოზარდის სიკვდილის მიზეზი ვერ დადგინდა.

იხილეთ სხვა სტატიები:

არქეოლოგებმა ძველი სამარხი აღმოაჩინეს, რომელსაც ყელზე ცელი ჰქონდა მიბჯენილი

რატომ ეზრდება თმა იაპონურ თოჯინას? - გამოცანა, რომელიც უკვე 100 წელია გამოცანად რჩება

"მიცვალებულის თითები", "იუდას ყურები" და ა.შ. სოკოები, რომლებიც სრულიად ამართლებენ სახელწოდებებს

მოყვარულმა უბრალო დეტექტორით 2, 6 კგ. ოქრო იპოვნა

რატომ გაშიშვლდა 2500 ადამიანი სიდნეის პლაჟზე (18+)

მასაჟის ყველაზე უცნაური ნაირსახეობები

როცა ბავშვები სახლში მარტო რჩებიან

გარანტია ათასი წელი: უძველესი მაიას ტომის სტომატოლოგიის დონით მეცნიერები გაოცებული არიან

პლანეტის 11 უცნაური და საშინელი არსება

ბელმონდო: მომხიბვლელი ავანტურისტი, რომელიც ყოველთვის უყვარდათ ქალებს