სოციალურ ქსელში, "ფეისბუკის" ჯგუფში „რაჭა“, მოქალაქე აქამდე უცნობ ისტორიას მოგვითხრობს ჩეხ მზარეულზე, რომელიც 3 აგვისტოს შოვის სტიქიას გადაურჩა, ახლა დგას და ოჯახთან საველე პირობებში 400 ადამიანისთვის სადილს ამზადებს.

"ამაზე არ დაწერილა არ ვიცი რატომ… ჩეხი ოჯახი, რომელიც სტიქიის პირველ დღეს გადარჩა და ონის მაშველებმა გამოიყვანეს, მზარეული Michal Bartak... მისი ინიციატივა იყო რამით დახმარებოდა რაჭველებს და ყოველ დღე, ოპერატორებისთვის, ადამიანები ვინც ტექნიკაზე ოპერირებს, მაშველებისთვის, მოხალისეებისთვის, სასწრაფოს პერსონალისთვის და პოლიცილებისთვის დღეში ორჯერ, ჯამში 400 კაცზე აკეთებს საჭმელს - სუპებს, გულიაჟებს და ა.შ"-წერს სოციალურ ქსელში მოქალაქე.