65 წლის წინ, 1958 წლის 30 ივლისს დაიბადა ინგლისელი მომღერალი, სიმღერების ავტორი, მუსიკოსი და მუსიკალური პროდიუსერი კეიტ ბუში.

11 წლის იყო როდესაც პირველი სიმღერა დაწერა, სახლში ფორტეპიანოს თანხლებით იწერდა კასეტებზე სიმღერებს და სხვადასხვა ხმის ჩამწერ სტუდიებს უგზავნიდა, 1973 წელს ერთ-ერთი კასეტა შემთხვევით ხელში ჩაუვარდა დევიდ გილმორს ჯგუფ Pink Floyd-იდან, სწორედ მისი დახმარებით 1975 წელს იქნა ჩაწერილი პროფესიონალურ სტუდიაში სამი სიმღერა, ჩანაწერი მოეწონა სტუდია EMI-ს და მომღერალთან გააფორმა კონტრაქტი.1978 წელს გამოდის ალბომი "The Kick Inside", ხოლო სიმღერამ "Wuthering Heights" პირველი ადგილი დაიკავა მშობლიურ ბრიტანეთში და ავსტრალიაში.1980 წელს გამოცემული ალბომი "Never for Ever" მომღერლის კარიერაში ყველაზე წარმატებული გამოდგა, რომელიც ბრიტანეთის და კიდევ რამდენიმე ევროპული ქვეყნის ჩარტების სათავეში მოექცა, არანაკლები წარმატება მოუტანა შემდეგმა ჩანაწერმა The Dreaming-1982 წელი, 1985 წელს სინგლი "Running Up that Hill"(ალბომიდან "Hounds of Love ")ბრიტანეთში მესამე ადგილს იკავებს, ხოლო ა.შ.შ-ში მის ყველაზე პოპულარულ ჰიტად იქცა(top30-Billboard.)

1993 წლის ალბომის "The Red Shoes" გამოსვლის შემდეგ კეიტ ბუში მოულოდნელად წყვიტავს მუსიკალურ კარიერას, იგი აღარც ალბომებს უშვებს და აღარც კონცერტებით გამოდის, ამ გადაწყვეტლების მიღებაში მომღერალს ხელი შეუწყო რიგმა სამწუხარო ამბებმა, დედის გარდაცვალებამ, საყვარელი მამაკაცის დაკარგვამ და სხვა.1998 წელს მას ეყოლა შვილი და მთლიანად ოჯახზე გადაერთო, 2001 წელს კეიტ ბუშს გადაეცა ჯილდო "Best Classic Songwriter", დაწესებული ჟურნალ "Q"-ს მიერ.2002 წელს ხანგრძლივი თითქმის 10 წლიანი პაუზის შემდეგ, იგი პირველად გამოჩნდა სცენაზე, ისევ მისი ძველი მეგობრის, დევიდ გილმორის ძალისხმევით, მან შეასრულა Pink Floyd-ის ცნობილი ჰიტი "Comfortably Numb".ამავე წელს კეიტ ბუშს გადაეცა ბრიტანეთის კომპოზიტორთა აკადემიის ჯილდო.2005 წელს გამოდის მისი მორიგი ალბომი "Aerial", რომელმაც გამოსვლიდან 3 კვირაში პლატინის სტატუსი შეიძინა, ხოლო სინგლმა ალბომიდან "King of the Mountain", მე-4 პოზიცია დაიკავა ბრიტანეთის ჰიტ-აღლუმში.2011 წელს გამოვიდა რიგით მეათე სტუდიური ალბომი "50 Words for Snow".კეიტ ბუშის მრავალი სიმღერა ჟღერს კინოფილმებში, 1990 წელს თვითონაც მონაწილეობდა კომედიურ ფილმში "Les Dogs", ხოლო 1993 წელს თვითონვე გადაიღო მუსიკალური ფილმი "The Line, The Cross & The Curve".

2013 წელს კეიტ ბუშს ბრიტანეთის იმპერიის ორდენის კომანდორის წოდება მიენიჭა

2020 წელს გახდა Ivors Academy-ის წევრი. იმავე წელს ჟურნალმა "როლინგ სტოუნმა" მის 1985 წლის ალბომს " Hounds of Love" #68-ე ადგილი მიანიჭა მსოფლიოს ყველა დროის 500 საუკეთესო ალბომის სიაში. 2021 წელს, ხოლო "Running Up That Hill" -მა ასევე Rolling Stone-ის ყველა დროის 500 საუკეთესო სიმღერის სიაში #60 ადგილი დაიკავა.

2023 წელს კეიტ ბუში როკ-ენ-როლის დიდების დარბაზში შესაყვან კანიდატად დაასახელეს.

ახლა კი მთავარი! სწორედ ზემოთ ნახსენებ საკულტო 1985 წლის ალბომიდან "Hounds of Love" კომპოზიცია "Hello Earth"-ში ორჯერ ჟღერს ქართული ხალხური სიმღერა "წინწყარო", სწორედ ამ წელს გარდაიცვალა ამ სიმღერის უბადლო შემსრულებელი ჰამლეტ გონაშვილი.