სხვა
ყველას შიშის ზარი იპყრობს როგორც კი ამ ფოტოს საიდუმლოს იგებს
2023, 20 ივლისი, 19:00
ვიქტორიანულ ეპოქაზე საუბრისას ბევრს შესაძლოა გაახსენდეს კორსეტიანი ქალბატონები, ცხენების ეკიპაჟი ან თუნდაც ჩარლზ დიკენსის შემოქმედება, თუმცა იმ დროს ერთი ფრიად საინტერესო, მაგრამ დღევანდელი სტანდარტებით ძალიან უცნაური ტრადიცია არსებობდა, რაზეც მსურს რომ სწორედ დღეს გესაუბროთ. თუ იმ დროს ოჯახში ვინმე იღუპებოდა, პირველი ადამიანი, რომელსაც ახლობლები მიმართავდნენ ფოტოგრაფი იყო. ფოტოგადაღების ოსტატების მომსახურება საკმაოდ ძვირი ღირდა და ყველას საკუთარი თავისთვის ასეთი სიამოვნების მინიჭება არ შეეძლო, მაგრამ ძვირფასი ადამიანის გარდაცვალების შემდეგ ჭირისუფალი, რომელსაც თავისი საყვარელი ადამიანისთვის ბოლოჯერ რაიმე მნიშვნელოვანის გაკეთება სურდა, ფულზე ეკონომიას როგორც წესი, არ აკეთებდა.
დღევნდელ სტატიაში მოგიმზადეთ იმ პერიოდში გადაღებული სიკვდილის შემდგომი ფოტოების კრებული. მსგავსი ჟანრი იმდენად პოპულარული იყო, რომ ფოტოგრაფებმა სხვადასხვა აღჭურვილობებიც კი შექმნეს, რომლებიც სპეციალურად ამ ტიპის ფოტოებისთვის გამოიყენებოდა.
მაგალითად, მიცვალებულებს ხშირად გამოსახავდნენ ცოცხალ ადამიანებად. მათ თვალები გახელილი ჰქონდათ და კამერის წინ იდგნენ. ამ შედეგის მისაღწევად კი სპეციალური აღჭურვილობა გამოიყენებოდა. ზოგჯერ მხოლოდ რთულად შესამჩნევი შტატივების კვალის მიხედვით შეიძლებოდა იმის მიხვედრა რომ ფოტოზე აღბეჭდილი ადამიანი გარდაცვლილი იყო.
ამ ფოტოზე 18 წლის ენ დევიდსონს ხედავთ, რომელსაც მატარებელი დაეჯახა. გადარჩა მხოლოდ მისი სხეულის ზედა ნაწილი, რომელიც ფოტოგრაფმა აღბეჭდა. გოგონას ხელები ისე დაუწყეს თითქოს ის ყვავილებს არჩევდა.
სიკვდილის შემდგომი პორტრეტების საერთო მასისგან გამორჩევის მიზნით, ზოგიერთი ფოტოგრაფი სპეციალურ სიმბოლოებს იყენებდა, რომლებიც მიუთითებდნენ რომ ფოტოზე გამოსახული პიროვნება გარდაცვლილი იყო. ეს შეიძლება ყოფილიყო დამჭკნარი ყვავილები ან საათი, რომელზეც სიკვდილის დრო იყო დაყენებული.
დღესდღეობით მსოფლიოში უამრავი ადამიანია, ვინც მსგავსს ფოტოებს აგროვებს. ერთ-ერთი ასეთი უდიდესი კოლექციის მფლობელი ამერიკელი თომას ჰარისია. მამაკაცი ამბობს, რომ ასეთი ფოტოები ამშვიდებს და ცხოვრების ფასდაუდებელ საჩუქარზე ფიქრს აიძულებს.
გაგიკვირდებათ და მსგავსი რამ დღესაც კი ხდება. ნიუ - ორლეანელმა მირიამ ბერბანკიზის ქალიშვილებმა გადაწყვიტეს დედა უკანასკნელ გზაზე ძალიან ორიგინალური ფორმით გაეცილებინათ. მათ გამართეს წვეულება, რომელიც მირიანს ძალიან უყვარდა. გარდაცვლილი მთელი საღამო სკამზე იჯდა, გვერდით მენთოლის სიგარეტი და ჭიქა ლუდი ედო, თავზე კი დისკო ბურთი ტრიალებდა.
