მიმდინარე წლის 30 ივნისს ქ. ზუგდიდის რაიონულ სასამართლოში დასრულდა სასამართლო პროცესი წალენჯიხის მუნიციპალიტეტის საბავშვო ბაგა-ბაღების აღმზრდელთა 19 თანაშემწის გათავისუფლების თაობაზე. გათავისუფლებულთა ინტერესებს იცავდა საქართველოს პედაგოგთა და მეცნიერთა თავისუფალი პროფკავშირის იურიდიული დეპარტამენტის უფროსი გიორგი ქოსაშვილი, მოპასუხე გახლდათ ააიპ წალენჯიხის მუნიციპალიტეტის სკოლამდელი სააღმზრდელო-საგანმანათლებლო დაწესებულებათა მართვის ცენტრი, ადვოკატი პეტრე წურწუმია.

,

მიმდინარე წლის 6 ივნისის და 30 ივნისის სხდომებზე ააიპ წალენჯიხის მუნიციპალიტეტის სკოლამდელი სააღმზრდელო-საგანმანათლებლო დაწესებულებათა მართვის ცენტრის ადვოკატმა პეტრე წურწუმიამ გათავისუფლებების მიზეზად დაასახელა რეორგანიზაცია/ოპტიმიზაცია და აღმზრდელთა თანაშემწეების დაბალი კვალიფიკაცია.

,

ყველა სასამართლო პროცესზე მოპასუხე ძირითადად აპელირებდა სურსათის ეროვნული სააგენტოს ჯარიმებსა და მთავრობის N487-ე დადგენილებაზე, რომლის გამოც, თურმე იძულებული იყვნენ განეხორციელებინათ რეორგანიზაცია. პედაგოგთა და მეცნიერთა თავისუფალი პროფკავშირის იურიდიულმა სამსახურმა შეისწავლა სურსათის ეროვნული სააგენტოს ე. წ. ჯარიმები, რაც ძირითადად რეკომენდაციებია და სასამართლოს მსვლელობის დროს დადასტურდა, რომ ჯარიმები იმდენად მიზერულია, ვერ ახდენდა გავლენას ბიუჯეტზე. შესაბამისად, კანონდამრღვევი მოპასუხის ე. წ. არგუმენტაცია კავშირშიც არ არის მასობრივ გათავისუფლებასთან, მით უფრო ე.წ. ჯარიმები არის 2018-2019 წლების, ხოლო აღმზრდელთა თანაშემწეების გათავისუფლება მოხდა 2022 წლის სექტემბერში.

.

ზემოაღნიშნულის გათვალისწინებით, მოპასუხეს არანაირი სასწრაფო აუცილებლობა არ ჰქონდა რეორგანიზაციის განსახორციელებლად, მით უმეტეს, ბავშვებისათვის საჭირო მომსახურეობის უგულებელყოფით. ურთიერთგამომრიცხავია მოპასუხის ე. წ. არგუმენტები, რადგან მთელი სხდომის განმავლობაში მოპასუხე თავადვე აღიარებდა ბაგა-ბაღებში ადამიანური რესურსის სერიოზულ ნაკლებობაზე, კადრების საჭიროებაზე ბაღების სრულფასოვანი ფუნქციონირებისათვის. მუნიციპალიტეტის მერიას ჰქონდა საშუალება, ემოქმედა ბავშვების ინტერესების გათვალისწინებით ისე, რომ არც საბავშვო ბაღები დაზარალებულიყვნენ და არც თანამშრომლები, ამის სანაცვლოდ აირჩია თანამშრომლების გაშვება.

,

სრული ნონსენსია მოპასუხის განმარტებები გაშვებულ თანამშრომელთა კვალიფიკაციაზე, ვინაიდან მოსარჩელეები მრავალი წელი პირნათლად და კეთილსინდისიერად ასრულებდნენ არათუ საკუთარ მოვალეობებს, არამედ მზარეულის თანაშემწის, დამლაგებლის, დარაჯის, ცეცხლფარეშისა და აღსაზრდელებისათვის საჭირო ყველა ფუნქციას.

სასამართლო პროცესზე წარმოდგენილი იყო გაშვებული თანამშრომლების საუკეთესო დახასიათებები საბავშვო ბაღების გამგეების მხრიდან. მოპასუხემ ვერ წარმოადგინა ვერანაირი მტკიცებულება, თუ რატომ გაუშვეს მაინცდამაინც ეს თანამშრომლები. რეალური პასუხი წალენჯიხის მუნიციპალიტეტის მერის, ბატონი გია ხარჩილავას 2022 წლის ინტერვიუებში მოიძებნება, როდესაც იგი გათავისუფლებულ აღმზრდელთა თანაშემწეებს “ქართული ოცნების“ პარტაქტივს უწოდებს.

,

მოსარჩელის წარმომადგენელმა, პედაგოგთა და მეცნიერთა თავისუფალი პროფკავშირის იურისტმა, სასამართლო სხდომაზე, ასევე განაცხადა, რომ თანხების მობილიზება საბავშვო ბაღებში აღსაზრდელების საკვები ულუფის გაუმჯობესებისათვის, რასაც საჯარო განცხადებებით ასახელებდა მუნიციპალიტეტის მერი გია ხარჩილავა, არ უნდა მოხდეს გათავისუფლებული თანამშრომლების ხარჯზე და ვერ იქნება სამართლებრივი საფუძველი, რადგან მათაც ჰყავთ სახლში შვილები, ასაკიანი მშობლები, რაც მთავარია, თავად აქვთ ღირსეულად ცხოვრების უფლება და არ შეიძლება შეილახოს მათი კანონიერი ინტერესი, რამდენჯერაც გადაწყვეტს მუნიციპალიტეტი რაიმეს გაუმჯობესებას. საინტერესოა, რა მოხდება მაშინ, როდესაც მაგალითისთვის, ინფრასტრუქტურის გაუმჯობესებაც დადგება დღის წესრიგში? კიდევ უფრო მეტი ადამიანი დარჩება უსამსახუროდ?

.

მოპასუხის ადვოკატმა პეტრე წურწუმიამ ისაუბრა მეტწილად ფინანსურ პრობლემებზე, თუმცა არცერთი პასუხი არ წარმოუდგენია შემდეგ საკითხებზე: 2022 წელს რატომ არ დაიგეგმა ბიუჯეტი ისე, რომ მომხდარიყო ყველა საჭიროების გათვალისწინება? რატომ განხორციელდა სასწრაფო რეორგანიზაცია 2022 წლის სექტემბერში? რა პრინციპით შეირჩნენ გათავისუფლებული თანამშრომლები? როგორ წარიმართება საგანმანათლებლო-სააღმზრდელო პროცესი ბავშვთა ჰიგიენური ნორმებისა და ბავშვთა უსაფრთხოების დაცვისათვის საჭირო პერსონალის გარეშე? თუ ბავშვთა კვების გაუმჯობესება იყო პრიორიტეტი, რატომ არ მოიძია დამატებითი სახრები წალენჯიხის მუნიციპალიტეტის მერიამ ააიპ სკოლამდელი სააღმზრდელო-საგანმანათლებლო დაწესებულებათა მართვის ცენტრისათვის მაშინ, როდესაც, თითქოს და სხვა რამის გაუმჯობესებას ეწირება სამსახური და შემოსავალი ადამიანებისა, რომელთა უკან ოჯახებია? გათავისუფლებულთა კანონიერი ინტერესები შეილახა 1 გაზქურის და ერთი ბაღის გაზიფიკაციის სანაცვლოდ? თუ იმ სათამაშოებისათვის, რაც რეალურად არც კი შეუტანიათ საბავშვო ბაღებში?

პირველ ინსტანციაში, ქ. ზუგდიდის რაიონულ სასამართლოში, ისე დასრულდა სასამართლო პროცესი, რომ ზემოაღნიშნულ უმნიშნელოვანეს კითხვებზე მუნიციპალიტეტის მერიის ადვოკატმა არგუმენტირებული პასუხები ვერ გასცა, კანონისმიერი საფუძველები ვერ დაასახელა და ვერ წარმოადგინა სათანადო მტკიცებულებები,

,