პროექტის OurWorldInData-ს მიერ შეგროვებული მონაცემების მიხედვით, მსოფლიოში ყველაზე „ღორმუცელა“ ქვეყანა არის ბაჰრეინი. მისი მოსახლეობა დღეში საშუალოდ 4012 კალორიას მოიხმარს. მეორე ადგილზეა ამერიკის შეერთებული შტატები 3868 კალორიით დღეში. მსოფლიო ლიდერთა სამეულს ასრულებს ირლანდია (3850 კალორია დღეში).

რაც შეეხება ყოფილ საბჭოთა რესპუბლიკებს, მოლდოვა აღმოჩნდა პირველ ადგილზეა ყოფილ საბჭოთა რესპუბლიკებს შორის მოხმარებული კალორიების მიხედვით.რომელმაც 27-ე ადგილი დაიკავა მსოფლიოში 3418 კალორიით, მას ერთი საფეხურით ჩამორჩება რუსეთი 3414 კალორიით და შესაბამისად 28-ე ადგილი უკავია.

რაც შეეხება საქართველოს, 3223 კალორიით ტოპ-40-ის მიღმა აღმოჩნდა, ჩვენს მეზობელი თურქეთი კი მსოფლიოში მე-5 ადგილით "იწონებს" თავს 3762 კალორიით.

ყოფილ საბჭოთა რესპუბლიკებს შორის ყველაზე მცირე დღიური რაციონი ყირგიზეთშია - 2737 კალორია.

მთლიანად ყველაზე დაბალი ყოველდღიური კალორიების მიღება აღინიშნება აფრიკის უღარიბეს ქვეყნებში - მაგალითად, ცენტრალური აფრიკის რესპუბლიკაში-1941 კალორია.

დიეტოლოგები თვლიან, რომ ქალმა დღეში საშუალოდ დაახლოებით 2 ათასი კალორია უნდა მოიხმაროს, კაცმა კი - 2, 5 ათასი კალორია. ამასთან, კვლევაში ჩართული 184 ქვეყნიდან 173-მა აჩვენა დღეში ორ ათასზე მეტი კალორიის შედეგი, ანუ საკვების რეკომენდებულ რაოდენობაზე მეტი.

ბოლო 50 წლის განმავლობაში, სიმსუქნით დაავადებულთა რიცხვი რამდენჯერმე გაიზარდა: თუ 1970-იან წლებში მათი რიცხვი 170 მილიონს ითვლებოდა, ახლა ის მინიმუმ მილიარდია. ბაჰრეინში, მზა საკვების დიდი მოხმარებისა და უმოძრაო ცხოვრების წესის გამო, ქვეყნის ყოველი მეოთხე მცხოვრები სიმსუქნით იტანჯება.

მეცნიერები ჭარბ ჭამას მიაწერენ იმ ფაქტს, რომ ხელმისაწვდომია უფრო მოსახერხებელი საკვები, როგორიცაა სწრაფი კვება, ნახევარფაბრიკატები, გაზიანი სასმელები, . ამავდროულად, ასეთ საკვებში ცოტაა სასარგებლო ნივთიერებები, რომლებიც დამატებით ასტიმულირებენ შიმშილის გრძნობას, მიუხედავად მიღებული საკვების დიდი რაოდენობისა. ასევე, საკვების ჭარბი მოხმარების მიზეზი შეიძლება იყოს ძილის ნაკლებობა, მუდმივი ხელოვნური განათება, მათ შორის მობილური მოწყობილობების განათება და დიდი ქალაქების მაცხოვრებლებისთვის მუდმივი სტრესი.