ქუთაისის აეროპორტთან დაღუპული 5 ახალგაზრდადან ერთ-ერთი ლაშა წიქორაძეა.

გარდაცვლილი ბიჭის დედა ემიგრანტია, რომელიც სოციალურ ქსელში შვილის ფოტოებს დებსდა სულის შემძვრელ პოსტს აქვეყნებს.

„მოვდივარ ჩემო სიცოცხლე. 6 რიცხვში შენთან ვიქნები... შენთან მოვალ... ხომ გენატრებოდი, უშენოდ არ მინდა ერთი დღე სახლში ყოფნაო. შენ რომ სახლში არ დამხვდები, არ მინდაო... მალე უნდა ჩამოგიყვანოვო დე...

მოვდივარ და დამხვდი იცოდე... აეროპორტში გელოდები... 6 თვე ვერ გაძელით უჩემოდ, მოვდივარ დედიკო...

დამხვდი და შენი ხელები შემომხვიე იცოდე დეე... შენი ლამაზი სახე და ღიმილი დამანახვე იცოდე...

აბრაამი მომიკვდება თუ არა დამთავრდებოდა, მე საერთოდ ვერავინ მნახავდა. ვერც მკვდარს და ვერც ცოცხალს დეე...მაგრამ აბრაამს რა ვუყო, უჩემოდ ისიც ვერ ძლებს დედი.

ხომ იცი რომ ყველაზე და ყველაფერზე მეტად მიყვარდი დე...

მადლობა ყველაფრისთვის დედი, იმ ბედნიერი 20 წლისთვის, რომელიც შენთან ერთად გავატარე. იმედია, როდისმე შევხვდებით ერთმანეთს. შენი ანოც ხომ მოკალი დე, ჩემთან იყო დღეს მთელი დღე, მოკვდა გოგო, რა გვიქენი ეს“, -წერს სოციალურ ქსელში გარდაცვლილი ბიჭის დედა თეა გუბელაძე.

შეგახსენებთ, ქუთაისის აეროპორტთან ავტოსაგზაო შემთხვევას 5 ადამიანის სიცოცხლე ემსხვერპლა.

თვითმხილველების თქმით, მანქანა გზიდან გადავარდა და ცეცხლი გაუჩნდა.

როგორც სოციალურ ქსელში გავრცელებული პოსტებიდან ირკვევა, ავარიას წყალტუბოს მუნიციპალიტეტის სოფელ გეგუთში მცხოვრები ახალგაზრდები ემსხვერპლნენ.