შედეგი იქნება 5 მილიარდი ადამიანის სიკვდილი და 10 წელი მზის სხივის გარეშე

აშშ-ში, მასაჩუსეტსის ტექნოლოგიური ინსტიტუტის თანამშრომლებმა გადაიღეს ვიდეორგოლი ბირთვული ომის შესახებ და თუ რა მოხდება ომის დასრულების შემდეგ.

მეცნიერთა აზრით, ორი ძირითადი მონაწილე იქნება: რუსეთი და შეერთებული შტატები. კონფლიქტის შემთხვევაში ამერიკელების მხარეს დაიკავებენ "ნატოს " ევროპელი წევრები, - პირველ რიგში დიდი ბრიტანეთი, საფრანგეთი, გერმანია და ბლოკის ყველა სხვა ქვეყნები. ნატოს წესდების თანახმად ისინი ვალდებულნი არიან დაიცვან პარტნიორი, ასე, რომ რაკეტები მათი მიმართულებითაც გაფრინდება. სავარაუდოდ ჩინეთი ასევე შევა დაპირისპირებაში და გამოავლენს თავის ბირთვულ იარაღს.

ანალიტიკოსებისა და მკვლევარების გამოთვლებით, ატმოსფეროში გაფანტული ფერფლი დედამიწას მზის სხივებისგან 10 წლის განმავლობაში დაფარავს და დადგება ბირთვული ზამთარი. ორმხრივი დარტყმების, რადიაციის, შიმშილისა და სიცივის შედეგად დაიღუპება რუსეთის, დასავლეთ ევროპის, ჩინეთის, აშშ-ის და სხვა სახელმწიფოების მაცხოვრებლების 99%. ასეთი აურზაურის შემდეგ ცივილიზაციის აღდგენის პროგნოზი ძალიან ბუნდოვანია.

ისიც საკითხავია, არის საერთოდ შესაძლებელია, რომ ადგეს?. როგორც ვიდეოში ამბობენ, "ასეთ ომში გამარჯვებული არ და ვერ იქნება.

მსგავსი ანალიზი ამერიკელმა მეცნიერებმა 2022 წლის სექტემბერშიც ჩაატარეს,

რუსეთსა და ნატოს შორის ჰიპოთეტური ბირთვული ომი მძიმე სცენარით წარიმართება და რამდენიმე საათში მთელ მსოფლიოში მილიონობით ადამიანის სიკვდილს გამოიწვევს. ეს მოსაზრება გამოთქვა პრინსტონის უნივერსიტეტის ასოცირებულმა პროფესორმა ალექს გლეიზერმა.

მისი თქმით, გლობალური თერმობირთვული ომის შედეგები დედამიწაზე სიცოცხლისთვის წარმოუდგენელი იქნება.

”დათვლილია, რომ 90 მილიონზე მეტი ადამიანი დაიღუპება და დაშავდება კონფლიქტის პირველი რამდენიმე საათის განმავლობაში, ” - თქვა გლეიზერმა.

მკვლევარები ასევე თვლიან, რომ რუსეთი იძულებული იქნება უპასუხოს ნატოს შეტევას. ვარაუდობენ, რომ სიტუაციის გაუარესების შემთხვევაში მხარეებს შეუძლიათ გაანადგურონ ერთმანეთის 30 მსხვილი ქალაქი და ეკონომიკური ცენტრი.

ამავდროულად, კვლევამ აჩვენა, რომ იქნება ეკონომიკური და სოციალური კოლაფსი, ასევე ბირთვული ზამთარი, „რაც კიდევ უფრო გაამწვავებს კატასტროფას“.