იაპონურ ფოლკლორში მრავლად არის სხვადასხვა სახის კეთილი და ბოროტი სულები და მოჩვენებები. მრავლადაა, აგრეთვე ბოროტი თოჯინების ისტორიები, რომლებიც რეალურ ისტორიებზეა დაფუძნებული. ერთ-ერთი ასეთია, ისტორია თოჯინა ოკიკუს შესახებ.

ეს ისტორია 1918 წელს დაიწყო, როცა 17 წლის ბიჭმა კუნძულ ჰოკაიდოზე, თავისი უმცროსი დისთვის თოჯინა შეიძინა. გოგონას ძალიან მოეწონა თოჯინა და მასთან მთელი დღე თამაშობდა. ისე შეუყვარდა ეს სათამაშო, რომ იგივე სახელი დაარქვა, რაც თვითონ ერქვა - ოკიკუ. გოგონა და თოჯინა პრაქტიკულად განუყრელები გახდნენ: ბავშვი გვერდიდან არ იცილებდა მას, მაშინაც კი როცა სასეირნოდ მიდიოდა. მაგრამ გოგონა უეცრად ავად გახდა: აღმოაჩნდა გართულებული გრიპი. რამდენიმე ხნის ავადმყოფობის შემდეგ კი გარდაიცვალა. საყვარელი შვილის პატივსაცემად, მშობლებმა თოჯინას სახლში მოწყობილ საკურთხეველზე მიუჩინეს ადგილი.

მალე მათ შეამჩნიეს, რომ თოჯინას კუპრივით შავი და გრძელი თმა სიგრძეში ყოველდღე მატულობდა. და ეს მართლაც ასე იყო, თოჯინას თმა ეზრდებოდა ისე, როგორც ცოცხალ ადამიანს! როცა თმის სიგრძემ მუხლამდე მიაღწია, გარდაცვლილის მშობლებმა საბოლოოდ ირწმუნეს, რომ თოჯინას სხეულში მათი გარდაცვლილი შვილის სული ჩასახლდა. ცოლ-ქმარმა დროდადრო თმის შემოკლება დაიწყეს, ისე როგორც შვილის სიცოცხლეში აკეთებდნენ. და თმა ყოველ ჯერზე იზრდებოდა, ჩერდებოდა როცა მუხლებამდე აღწევდა.

1938 წელს ოჯახი სახალინზე გადასახლდა, მაგრამ თოჯინის თან წაღების შეეშინდათ, ამიტომ ის ქ. ივამიძავაში, მანენძის ტაძარში მიიტანეს, ამასთან ტაძრის მსახურს მისი ანომალიური თვისებების შესახებაც აუწყეს. ტაძრის მსახურებმა თოჯინა სპეციალურ ხის ყუთში მოათავსეს და გამოსაჩენ ადგილას დადგეს.

თოჯინა დღემდე აღნიშნულ ტაძარში ინახება და სასულიერო პირები მას რეგულარულად უმოკლებენ თმას.

ოკიკუს უსტორია მალე მთელს იაპონიაში გახდა ცნობილი. მას აღწერდნენ წიგნებში, დგამდნენ სპექტაკლებს ტრადიციულ კაბუკის სტილში.

ოკიკუს თმების გამოცანა დღესაც გამოცანად რჩება. ჯერ კიდევ ვერავინ გაბედა იმის გამოკვლევა, რა ხდება რეალურად და როგორ იზრდება თმა. ცნობილია მხოლოდ ის, რომ თმა მხოლოდ ერთხელ იქნა გაგზავნილი ანალიზზე, ანალიზმა კი აჩვენა, რომ ის ადამიანის არის. მაგრამ მეოცე საუკუნის დასაწყისში ბევრი თოჯინისთვის თმას ადამიანის თმისგან ამზადებდნენ. ასე, რომ, ეს არაფერს ამტკიცებს.

გაეცანით სხვა სტატიებს:

გაეცანით ფოტოებს და დარწმუნდებით, რომ იაპონელები "სხვა პლანეტიდან" არიან

აღმოჩნდა, რომ გლადიატორები არენაზე გასვლის წინ, სხეულზე არასასურველ თმას იშორებდნენ

ზოგჯერ ჯობია, ისევ სახლში ივახშმოთ

სალვია-ადამიანი საოცარი გარეგნობით და გაურკვეველი სქესით

სხვადასხვა ქვეყნის 11 გამოგონება-მიზანი: ადამიანებისთვის უსაფრთხოებისა და კომფორტის შექმნა

გერმანელმა არქეოლოგებმა სენსაციური განცხადება გააკეთეს ქარვის ოთახის თაობაზე

რამდენიმე რეკორდი გინესის რეკორდების წიგნიდან

რაშია იაპონელების სიცოცხლის ხანგრძლივობის საიდუმლო?

თუ ეწყინაათ... ჩვენი პატარა მეგობრების "შურისძიებები"

ცხელი წყალი პანაცეა? - რატომ სვამენ ჩინელები ცივის ნაცვლად ცხელ წყალს

როგორ გადააჩვიეს იაპონელი ქალები თავისუფალ სიყვარულს