სიყვარული არის პიროვნული მიმაგრებულობის ემოცია. ფილოსოფიურ კონტექსტში კი სიყვარული სათნოებაა, რომელიც წარმოადგენს ყველა ადამიანურ სიკეთეს, თანაგრძნობასა და ერთგულებას.

საიდუმლო არ არის, რომ წყვილის ჯანსაღი ურთიერთობა ორივე პარტნიორის კარგ ქცევებსა და ურთიერთგაგების შედეგზეა დამოკიდებული. ასევე, ფსიქოლოგები გვარწმუნებენ, რომ ურთიერთობის დროს მთავარი პრობლემა არის წყვილებიდან ერთ-ერთი მათგანის მეორის მიმართ ინტერესის დაკარგვა. ამის ყველაზე ხშირი მიზეზებია შიდა პრობლემები და ხასიათის ზოგიერთი თავისებურება.

ბევრ ჩვენგანს ვერ წარმოუდგენია საკუთარი თავი ნათესავებისგან და მეგობრებისგან განცალკევებით, იზოლირებული და მიჩვეულია ყოველთვის ყველას უთხრას ყველაფერი. მაგრამ, არის ოჯახური ცხოვრების გარკვეული გარემოებები, რომლის შესახებაც უახლოესმა მეგობრებმაც კი არ უნდა იცოდნენ, რადგან ზოგიერთი რამ, რაც ხდება ქორწინებაში, უნდა დარჩეს მხოლოდ პარტნიორებს შორის.

რა თქმა უნდა, თითოეულ ჩვენგანს ხანდახან უჭირს გაუძლოს ცდუნებას, რომ ახლო მეგობრებს გაუზიაროს ის, რაც ხდება ჩვენს ქორწინებაში, მაგრამ შედეგად, ასეთი სურვილი, თუნდაც საუკეთესო განზრახვით იყოს, გამოიწვევს გაღიზიანებას და ზედმეტ სტრესს.

სწორედ ამ მიზეზების გამო, პირადი ურთიერთობების სპეციალისტებმა დიდი ხანია გამოავლინეს საიდუმლოებების სია, რომელიც ნებისმიერმა წყვილმა უბრალოდ უნდა შეინახოს საიდუმლოდ. ეს არის ის, რაც მხოლოდ თქვენ და თქვენმა პარტნიორმა უნდა იცოდეთ.

5 რამ, რაც საიდუმლოდ უნდა შეინახონ დაქორწინებულებმა

1. ინტიმური ფოტოები.

ბევრი იტყვის, რომ ეს ინდივიდუალური გადაწყვეტილებაა, მაგრამ მიუხედავად ამისა, არიან ისეთებიც, რომლებსაც რატომღაც არ ესმით, რომ ქორწინებაში გადაღებული გულწრფელი ფოტოები საერთოდ არ არის ის, რაც უნდა გაუზიაროთ უცნობებს.

იმ სექსუალურ-ეროტიკულ სელფშიც როცა დარწმუნებული ხარ, რომ შენი ცოლი წარმოუდგენლად ლამაზია, არ უნდა იფიქრო, რომ სამწუხაროა ამ სილამაზის მხოლოდ შენთვის შენარჩუნება. გაანადგურე სურვილი, გაუზიარო ასეთი ფოტო სხვას.

არსებობს გარკვეული საზღვრები, რომლებსაც არ უნდა გასცდე, ისევე როგორც არ უნდა ეცადო სხვა წყვილების მსგავს საზღვრებში შეღწევას. ყველაფერი, რაც დაკავშირებულია თქვენს სხეულთან, განსაკუთრებით ინტიმურ დონეზე, წყვილმა უნდა შეინახოს საიდუმლოდ.

2. ფინანსური პრობლემები.

არაფერი ისე არ მოქმედებს ქორწინებაზე, როგორც ფინანსური პრობლემები. ბევრს ისედაც ერიდება უცნობ ადამიანებთან მსგავსი საკითხების განხილვა, მაგრამ მაშინაც კი, თუკი უცებ მოგინდებათ ამაზე საუბარი მეგობართან ან ნაცნობთან, გახსოვდეთ, რომ ჯობია ასეთი ინფორმაცია თქვენთვის შეინახოთ.

თქვენ და თქვენს პარტნიორს შეგიძლიათ შეადგინოთ მომავლის ფინანსური გეგმა და მიჰყვეთ მას აუტსაიდერების დახმარების გარეშე, რომლებიც კომენტარს გააკეთებენ თქვენს ფინანსურ მდგომარეობაზე. თუმცა, სურვილი, რომ მეგობრებს უთხრათ ფინანსური სიძნელეების შესახებ, ძალიან ხშირი მოვლენაა, მაგრამ უფრო ხშირად ასეთი გამოცხადებები უფრო მეტ სირთულეს ქმნის, ვიდრე რაიმეს აგვარებს.

ექსპერტები მიიჩნევენ, რომ პარტნიორთან გულწრფელი საუბარი ცხოვრების ფინანსურ მხარეზე შესანიშნავი საშუალებაა დაგროვილი დაძაბულობისგან თავის დასაღწევად. აირჩიეთ შესაფერისი დრო, ისაუბრეთ თქვენს ფინანსებზე და ერთად მოძებნეთ რთული სიტუაციიდან გამოსვლის გზები, მაგრამ ამის გაკეთება სხვის წრეში არ გჭირდებათ, ეს ძალიან პირადულია.

3. თქვენი კამათისა და ჩხუბის დეტალები.

ჩხუბი და კამათი ნებისმიერი პირადი ურთიერთობის განუყოფელი ნაწილია. ქორწინება ამ შემთხვევაში არ არის გამონაკლისი. თუმცა, ყველა დამეთანხმება, რომ არის ისეთი ჩხუბი, რომელიც მათზე დახარჯულ სიტყვებათაც არ ღირს. მაგრამ ეს არის ცხოვრება და ვერაფერს შეცვლი.

აქედან გამომდინარე, ძალიან მნიშვნელოვანია იმის გაგება, თუ როგორ უნდა მიაღწიოთ კომპრომისს და როდის დაივიწყოთ, რომ საერთოდ გქონდათ ჩხუბი. როცა ჩხუბი დასრულდება და ჩაქრება ღელვები, მაშინ მის ახალ გაბერვას აზრი არ აქვს. მაგრამ ადამიანები ამას მარტივადაკეთებენ სწორედ მაშინ, როცა ამის შესახებ დეტალურად ესაუბრებიან ნათესავებსა და მეგობრებს.

ეს არამარტო ისევ გაბრაზებთ იმაზე, რაც უკვე ამოწურულია, არამედ თქვენს მსმენელს შეუძლია არასწორი შთაბეჭდილება მოახდინოს თქვენს პარტნიორზე, განსაკუთრებით თუ ის არ არის იქ, რომ როგორმე დაიცვას თავი.

4. ინტიმური ცხოვრება.

თქვენი ინტიმური ცხოვრება სწორედ ის მნიშვნელოვანი საიდუმლოა, რომლის შესახებ მხოლოდ თქვენ ორმა უნდა იცოდეთ. ეს ისევ საზღვრების საკითხია, რომელსაც არ უნდა გასცდე, თუ უსიამოვნო შედეგები არ გინდა.

ორი ადამიანის გაერთიანება, სხვა საკითხებთან ერთად, ეყრდნობა იმ ფაქტს, რომ პარტნიორებს შეუძლიათ აბსოლუტურად ყველაფერი გაუზიარონ ერთმანეთს, რაც არ უნდა პირადი იყოს ეს.

ვერასოდეს იქნები დარწმუნებული, რომ რაღაც პირადი, რაც შენს მეგობარს ფარულად უთხარი, არ მიაღწევს თქვენს პარტნიორის ყურამდე. და თუ ასეა, მაშინ გაცილებით მეტი პრობლემა გექნებათ, ვიდრე ფიქრობთ.

ამიტომ, შეეწინააღმდეგეთ ცდუნებას, უთხრათ თქვენს მეგობრებს თქვენი დაძაბული სექსუალური ცხოვრების შესახებ, ისევე როგორც არ გჭირდებათ ამაზე ჩივილი. დაუთმეთ დრო პარტნიორთან გულწრფელ საუბარს ან ერთად დაუკავშირდით სპეციალისტს.

თქვენ შეგიძლიათ ისარგებლოთ სექსუალური თერაპიით. ამ დროს პროფესიონალი მსუბუქი საუბრის სახით ეხმარება ადამიანებს დაინახონ თავიანთი პრობლემების საფუძველი ინტიმურ სფეროში და იპოვონ მათი დაძლევის გზები.

5. ის, რასაც თქვენი პარტნიორი გულწრფელად ფიქრობს თქვენ ახლოლებსა და მეგობრებზე.

რა თქმა უნდა, იდეალურ სამყაროში, ყველა თქვენი ნათესავი და მეგობარი ადვილად იპოვის საერთო ენას თქვენს რჩეულთან, მაგრამ ეს იდეალურ სამყაროშია. სინამდვილეში, განსხვავებული ხასიათისა და პიროვნების ტიპების მქონე ადამიანები ყოველთვის ვერ ურთიერთობენ თუნდაც შედარებით მშვიდობიანად.

ნუ ელით, რომ თქვენს ცხოვრებაში საყვარელი ადამიანები რაღაც მომენტში შეეგუებიან ერთმანეთს, თუ ისინი თავიდან ვერ იტანდნენ ერთმანეთს.

თუ უმეტეს შემთხვევაში თქვენი რჩეული და ზოგიერთი მეგობარი არ ეკვეთება ერთმანეთს, მაშინ არ უნდა უთხრათ თქვენს პარტნიორს, რომ მეგობარმა ან პირიქით, რაღაც გითხრათ მასზე. უფრო მეტიც, თქვენმა პარტნიორმა ასევე არ უნდა იცოდეს, რას ფიქრობენ მასზე თქვენი მეგობრები და ახლობლები, რადგან უმეტეს შემთხვევაში ეს მხოლოდ ზედმეტ ჩხუბს გამოიწვევს.

საიდუმლოებები ყოველთვის არ არის ცუდი. როდესაც ადამიანები რაღაცებს საიდუმლოდ ინახავენ, ეს მათ ეხმარება თავიდან აიცილონ ზედმეტი გარე ტვირთი თქვენს კავშირზე. დარწმუნებული ვარ, რომ თქვენს ოჯახს და მეგობრებს არ სჭირდებათ თქვენი ქორწინების წვრილმანების ცოდნა. არის რაღაცები, რაზეც უნდა გაჩუმდეთ.