საქართველო
"ჭორი არ გეგონოთ – კრებსებიდანაა"- რა ინფორმაციას ავრცელებს ირინა სარიშვილი
2023, 18 ივნისი, 9:47
პოლიტიკოსი ირინა სარიშვილი სოციალურ ქსელში პოსტს ავრცელებს, სადაც იმის შესახებ წერს თუ როგორ დაურეკა პრემიერმა ღარიბაშვილმა საქართველოს მეცნიერებათა ეროვნული აკადემიის ახლადარჩეულ პრეზიდენტს, როინ მეტრეველს შეხვედრაზე დასაბარებლად. სარიშვილის თქმით, აღნიშნული ინფორმაცია ჭორი არ არის და ის ცნობილი "კრებსებიდანაა":
"ირაკლი ღარიბაშვილს დაურეკავს როინ მეტრეველისთვის, შეხვედრა რო გინდოდა მოდიო. როინს უთქვამს ამ ხნის კაცს რო მიბარებ რა ვიცი ვინა ხარ ადექი და შენ თვითონ მოდიო.
ჭორი არ გეგონოთ – კრებსებიდანაა"- წერს ირინა სარიშვილი სოციალურ ქსელში.
ცნობისთვის, ბექა ყორშიამ როინ მეტრეველს პრემიერის თანაშემწის სტატუსით დაურეკა და ირაკლი ღარიბაშვილისთვის აკადემიკოსობის მინიჭება სთხოვა, რაზეც მეტრეველი უყოყმანოდ დათანხმდა.
შეგახსენებთ, რომ ცოტა ხნის დღის წინ, როინ მეტრეველი საქართველოს მეცნიერებათა ეროვნული აკადემიის პრეზიდენტად აირჩიეს. 2013 წლიდან დღემდე ის მეცნიერებათა ეროვნული აკადემიის ვიცე - პრეზიდენტის სავარძელს იკავებდა.
