საერთაშორისო უშიშროების უზრუნველყოფის ძალებმა (ISAF)ადამიანებზე ზვიგენების თავდასხმის სტატისტიკა გამოაქვეყნა. გაირკვა, რომ ამ რეიტინგში პირველ ადგილს ეგვიპტე იკავებს. გასული წლის განმავლობაში ამ ქვეყანაში ტურისტებზე თავდასხმის უფრო მეტი ფატალური შემთხვევა დაფიქსირდა, ვიდრე ნებისმიერ სხვა კურორტზე. სხვათა შორის, 2022 წელს ზვიგენები ეგვიპტის წყლებში დამსვენებლებს თავს წინა წლებთან შედარებით უფრო მეტჯერ დაესხნენ. ამასთან, მთელს მსოფლიოში ეს მაჩვენებლები პირიქით, კლებულობს. ზვიგენის თავდასხმები სხვადასხვა ქვეყნის თბილ წყლებშიც ხდება, თუმცა სიკვდილიანობის მაჩვენებელი ეგვიპტეში მკვეთრად მაღალია.

შეგახსენებთ, რომ 8 ივნისს, ეგვიპტის ცნობილ კურორტ ჰურგადში ტრაგიკული შემთხვევა მოხდა, ზვიგენმა რუსი ტურისტი, ვლადიმირ პოპოვი მამის თვალწინ წამებში დაგლიჯა. მამაკაცი შველას ითხოვდა, თუმცა მაშველებმა მისი გადარჩენა ვერ შეძლეს. 23 წლის ვლადიმირ პოპოვი რამდენიმე თვის წინ მამასთან ერთად საცხოვრებლად ეგვიპტეში გადავიდა. თავდასხმისას ზღვაში ის შეყვარებულთან ერთად იმყოფებოდა, რომელმაც ზვიგენისგან თავის დაღწევა მოახერხა. ზვიგენმა 23 წლის პოპოვის თითქმის სრულად შეჭმა მოასწრო და სხეული მხოლოდ დასახმარებლად დაძრული მეთევზეების ნავის გამოჩენის შემდეგ მიატოვა.

ადგილობრივი ხელისუფლება ადასტურებს, რომ სპეციალისტებმა გაკვეთის შემდეგ ზვიგენის სხეულიდან შეჭმული ადამიანის ნაწილები, მათ შორის, თავი, მკერდი და ხელები ამოიღეს. სხეულის დარჩენილ ნაწილებს კი მეთევზეებმა ზღვაში მიაგნეს. ცნობილი ხდება, რომ ეგვიპტეში ზვიგენის მიერ შეჭმული ტურისტის ნათესავები მის ნეშტს ჯერ-ჯერობით ვერ იღებენ.

ზვიგენს, რომელმაც რუსი ტურისტი შეჭამა მუმიფიცირებას ჩუტარებენ და მუზეუმში გამოფენენ. საზღვაო მეცნიერებების ინსტიტუტის სპეციალისტებმა ზვიგენის ბალზამირების პროცესი უკვე დაიწყეს, რომლის დასრულების შემდეგაც ექსპონატს ინსტიტუტის მუზეუმში წარმოადგენენ. ადგილობრივი ხელისუფლების წარმომადგენლები იმედოვნებენ, რომ ზვიგენის გაკვეთისა და შესწავლის შედეგად მომავალში მტაცებლის მიერ თავდასხმების რისკების შემცირებას შეძლებენ. რეგიონის გუბერნატორის თქმით, იგეგმება ზღვაში სპეციალური ბადეების განთავსებაც.