სამოდელო ბიზნესი ყოველთვის იყო და რჩება ერთ-ერთი ყველაზე დინამიური და ცვალებადი მოდის სამყაროში, თუმცა არის რამდენიმე გამონაკლისი - მოდელები, რომლებიც ათწლეულების განმავლობაში რჩებიან პოდიუმებსა და ჟურნალების გარეკანებზე. დღევანდელ სტატიაში განვიხილავთ 90-იანი წლების ექვს ცნობილ მოდელს - ემბერ ვალეტას, ნაომი კემპბელს, კარლა ბრუნის, კრისტენ მაკმენამის, ქეით მოსსა და ლინდა ევანგელისტას - და ვნახავთ, როგორ შეიცვალნენ ისინი ბოლო 30 წლის განმავლობაში.

ემბერ ვალეტა

ემბერ ვალეტამ სამოდელო კარიერა 80-იანი წლების ბოლოს დაიწყო და 90-იანი წლების დასაწყისში უკვე ერთ-ერთი ყველაზე მოთხოვნადი მოდელი გახდა. 49 წლის მოდელი გადაღებებით კვლავ აქტიურად არის დაკავებული, მისი ნახვა ასევე პოდიუმებზეც შეგიძლიათ.

წლებთან ერთად ამერიკელი ტოპ - მოდელი უფრო თავდაჯერებული და ელეგანტური გახდა, თუმცა ამავდროულად შეინარჩუნა საოცარი ქარიზმა და გამორჩეული, ყველასგან განსხვავებული სტილი.

ნაომი კემპბელი

ნაომი კემპბელი - 90-იანი წლების ერთ-ერთი ყველაზე ცნობილი მოდელია. მან კარიერა 1986 წელს დაიწყო, და "Vogue"-ისა და სხვა მოდის ჟურნალებში გადაღებების წყალობით მალევე გახდა ერთ - ერთი ყველაზე მოთხოვნადი მოდელი.

53 წლის ნაომი კემპბელი დღესაც ერთ-ერთ ყველაზე გამორჩეულ და მოთხოვნად მოდელად ითვლება, ის აქტიურად არის ჩართული ცნობილი დიზაინერების ჩვენებებში და სარეკლამო კამპანიებში.

კარლა ბრუნი

იტალო - ფრანგმა მოდელმა კარიერა 90-იან წლებში დაიწყო. კარლა დღეს უკვე 55 წლის არის, თუმცა კვლავ წარმატებით განაგრძობს თავისი სილამაზითა და მოხდენილობით სამყაროს გაოცებას.

2008 წელს ის გახდა საფრანგეთის პირველი ლედი, როდესაც მისი მეუღლე ნიკოლა სარკოზი საფრანგეთის მოსახლეობამ რიგით 23-მე პრეზიდენტად აირჩია.

კრისტენ მაკმენამი

კრისტენ მაკმენამმა სამოდელო კარიერა 90-იან წლებში დაიწყო. ის იყო ისეთი ცნობილი ბრენდების სახე, როგორიცაა "Calvin Klein" და "Versace". ამერიკელი მოდელი დღეს 58 წლისაა და კვლავ აგრძელებს მოდის ინდუსტრიაში მოღვაწეობას, თუმცა დროის უმეტეს ნაწილს ოჯახსა და ქველმოქმედებას უთმობს.

მოდელი ასევე ეკოლოგიურად სუფთა ცხოვრების წესის მომხრე და ცხოველთა უფლებების აქტიური დამცველია.

ქეით მოსი

ქეით მოსი მოდის "ხატად" 90-იან წლებში იქცა. ის მრავალი ცნობილი ბრენდის სახე იყო და ყველაზე პრესტიჟული ჟურნალების გარეკანებს ამშვენებდა. ყველა დროის ერთ-ერთი საუკეთესო და მაღალაზარაურებადი სუპერმოდელი დღემდე რჩება ყველსგან გამორჩეულად.

49 წლის მოდელი დღესდღეობით მოდური სამოსისა და აქსესუარების დიზაინით არის დაკავებული, ასევე ქეითი ქალთა უფლებების აქტიური დამცველიცაა.

ლინდა ევანგელისტა

კანადელმა მოდელმა პოპულარობა 90-იან წლებში ისეთ ბრენდებთან თანამშრომლობით მოიპოვა, როგორიცაა "Chanel" და "Versace". დღეს ის 58 წლისაა, თუმცა კვლავ მოდის ინდუსტრიაში საქმიანობს. 90-იანი წლების ერთ - ერთი ყველაზე გამორჩეული მოდელი ასევე საქველმოქმედო საქმიანობაშია ჩართული და აქტიურად უჭერს მხარს გარემოს დაცვასაც.

ყველა ეს მოდელი თავისი საოცარი გარეგნობითა და დახვეწილი სტილით 30 წელზე მეტია წარმატებით განაგრძობს ადამიანთა გულების დაპყრობას. მოდის "ხატებად" ქცეულნი საკუთარი განვლილი გზის მაგალითზე ახალგაზრდა თაობას პროფესიის სიყვარულს შთააგონებენ. რა თქმა უნდა, ამ წლების განმავლობაში მათ გარეგნობაშიც მოხდა გარკვეული ცვლილებები, თუმცა მიუხედავად ამისა ისინი კვლავ წარმატებით განაგრძობენ საკუთარი წარუშლელი კვალის დატოვებას პოდიუმებსა და მოდის სამყაროში.