ასაკთან ერთად, ქალების გემოვნება როგორც წესი, უფრო კონსერვატორული და კლასიკური სტილის სასარგებლოდ იცვლება. ეს აქსიომა ასევე ვარსკვლავების გარემოცვაშიც "მუშაობს", თუმცა არა ყველასთვის. ვიღაცის ლტოლვა თამამი ჩაცმულობისადმი წლებთან ერთად მხოლოდ იზრდება. რა არის ეს: მუდმივად ახალგაზრდად დარჩენის სურვილი თუ ბუნების წინააღმდეგ ერთგვარი პროტესტი? წარმოგიდგენთ ცნობილ ქალბატონებს, რომლებსაც თამამი კაბების ჩაცმა 50 წლის ასაკშიც კი არანაირ დისკომფორტს არ უქმნის. ვის შეუძლია იამაყოს ამით, და ვინ ვარდება სრულ უკიდურესობაში? ვარკვევთ დღევანდელ სტატიაში.

ჯენიფერ ენისტონი

ცნობილი მსახიობი თავს უფლებას აძლევს ჩაიცვას მოკლე და საკმაოდ თამამი კაბები, რითიც საკუთარ თაყვანისმცემლებს ყოველი გამოჩენისას ახარებს. ასაკის მიუხედავად, ენისტონი შესანიშნავ ფორმაშია და ასეთი თამამი სამოსი მასზე ვულგარულად სულ არ გამოიყურება. სელებრითის ასეთი ჩაცმულობა მისი ფიგურის ყველა ღირსებას მხოლოდ ხაზს უსვამს. ვარსკვლავი ახალი იმიჯით "Murder Mystery 2"-ის პრემიერაზე გამოჩნდა, სადაც ხუმრობით აღნიშნა რომ წვეულებაზე პირდაპირ სატრენაჟორო დარბაზიდან მისულ ადამ სენდლერის გვერდით ფოტოზე არ დადგებოდა.

ჰაიდი კლუმი

მოდელის ფიგურა ვერც ასაკმა და ვერც დედობამ ვერ გააფუჭა. 49 წლის ასაკაში მას შეუძლია თავს ასეთი თამამი და საინტერესო "ლუქების" მორგების უფლება მისცეს. აღსანიშნავია, რომ მან იცის "ზღვარზე" სიარული, ისე რომ არ გადაამლაშოს.

ჯენიფერ ლოპესი

ხანდახან გაუგებარია, არის თუ არა ამ ტიპის კაბები კაპრონით გაწყობილი თუ მომღერალი ყოველგვარი მორიდების გარეშე მათ პირდაპირ შიშველ სხეულზე იცვამს. ნებისმიერ შემთხვევაში, ის ასეთი ჩაცმულობით მართლაც საოცრად გამოიყურება.

პამელა ანდერსონი

მსახიობი საცვლების ტარებას მიჩვეული ჯერ კიდევ ახალგაზრდობიდანვე არ იყო, და რა გასაკვირია რომ ის მოკრძალებულ ასაკშიც კი დროდადრო საზოგადოების წინაშე ზედმეტად გამჭვირვალე სამოსით, საცვლების გარეშე ჩნდება.

ჰოლი ბერი

ვინ იტყვის, რომ ეს საოცარი ქალი 56 წლისაა? რეგულარული ვარჯიში, სწორი კვება და აქტიური ცხოვრების წესი თავის საქმეს აკეთებს. ჰოლივუდის ვარსკვლავი კვლავაც განაგრძობს თავისი საინტერესო "ლუქებით" თაყვანისმცემლებისა და საზოგადოების აღფრთოვანებას, რომელიც მისი ფიგურის ყველა ღირსებას უსვამს ხაზს, თუმცა ამავადროულად სულაც არ გამოიყურება ვულგარულად.

ქეით ბეკინსეილი

50 წლის ქეითი ისეთ საოცარ ფორმაშია, რომლისგანაც მაგალითის აღება გინდება. ვარსკვლავი საკუთარი თავის მოვლას დღეში მინიმუმ სამ საათს უთმობს, ამიტომ მოკრძალებულადაც არ იცვამს - ამის დამალვა კი ნამდვილი დანაშაულია!

დემი მური

60 წლის დემი მური მშვენივრად გამოიყურება, მაგრამ არის ერთი რამ, რაც საერთო სურათს აფუჭებს. საუბარია მთელ რიგ წარუმატებელ პლასტიკურ ოპერაციებზე, რომელმაც მსახიობის გარეგნობა საგრძნობლად გააფუჭა, თუმცა ეს მას ერთი საუცხოო ლუქის მეორეთი ჩანაცვლებას ხელს არ უშლის.

მადონა

მადონა ნებისმიერ ასაკში კარგია. ის ცხოვრების აქტიურ წესს ეწევა, საგანგებოდ უვლის სხეულს და რეგულარულად ვარჯიშობს, ასე რომ, შეუძლია თამამად მოირგოს ულტრა მინიც, თუმცა ზოგჯერ მისი მეტისმეტად თამამი და პროვოკაციული ლუქები თაყვანისმცემლებს "კულტურულ" შოკში აგდებს.

სელმა ჰაიეკი

მექსიკური წარმოშობის ულამაზესი ამერიკელი მსახიობი 56 წლის გახლავთ, სელმა ყოველთვის ისეთ სამოსს ანიჭეს უპირატესობას, რომელიც მის ღირსებებს კიდევ უფრო მეტად უსვამს ხაზს, და უნდა ითქვას რომ მსახიობი მართლაც შესანიშნავ ფიზიკურ ფორმაში იმყოფება, ასე რომ თუ ჰოლივუდის ვარსკვლავის "ლუქებით" ვიმსჯელებთ ის პენსიაზე გასვლას კიდევ დიდი ხანი არ აპირებს.