სილამაზის შესახებ ყველა ადამიანს საკუთარი წარმოდგენა აქვს. ზოგი ქეით მოსის გარეგნობაში ვერანაირ სილამაზეს ვერ ხედავს, ზოგსაც კი ის ქალღმერთად მიაჩნია - ვერაფერს გავაწყობთ, გემოვნების საკითხია, თუმცა თუ ქალის მიმზიდველობის ფენომენს ობიექტურად შევაფასებთ, დავრწმუნდებით რომ ყველა ქალი თავისებურად უნიკალური და მიმზიდველია. ასე რომ მშვენიერი სქესის წარმომადგენლები ყველას ყურადღებას იმსახურებენ. ეს 10 ლამაზმანი კი თქვენი ყურადღების გარდა, ასევე კომპლიმენტების ღირსია. მათ არა მხოლოდ სილამაზის თანამედროვე სტანდარტები შექმნეს, არამედ ისტორიაში გარკვეული კვალიც დატოვეს. რამდენი დროც არ უნდა გავიდეს, ჩვენ ისინი ყოველთვის გვემახსოვრება.

ლეტიცია კასტა

მილიონობით მამაკაცის სათაყვანებელმა ლეტიცია კასტამ მოდის სამყარო მალევე დაიპყრო. მოდელი თავიდანვე საკმაოდ თავდაჯერებული იყო და საზოგადოების მიერ გამოგონილი სილამაზის სტანდარტებზე მორგებას არასდროს ცდილობდა. სწორედ ამან აქცია 90-იანების ტოპ - მოდელი მსოფლიო ვარსკვლავად.

მერლინ მონრო

50-ინი წლების სექს-სიმბოლოდ აღიარებული ცნობილი ამერიკელი კინომსახიობი, მომღერალი და მოდელი მერლინ მონრო უბრალოდ ლამაზი და მომხიბვლელი არ ყოფილა. ის იყო კეთილი, მგრძნობიარე, განათლებული და ძალიან გამჭრიახი გონების ქალბატონი. ყველა ამ თვისებამ კი ლეგენდარული მსახიობი იდეალის წოდებამდე აიყვანა.

ვერონიკა ლეიკი

ამერიკელი მსახიობი და 30-40-იანი წლების ფილმ-ნუარის ვარსკვლავი ვერონიკა ლეიკი - იდუმალი და ელეგანტური ლამაზმანი გახლდათ. მასში იყო რაღაც ისეთი არაამქვეყნიური, რასაც ჩვეულებრივი ადამიანი უბრალოდ სიტყვებით ვერ აღწერდა. სწორედ ამაში იმალებოდა მისი მომხიბვლელობის საიდუმლოც.

ლინდა როსტადტი

ამერიკელ მომღერალ ლინდა როსტადტს ქანთრი - როკის "ნათლიას" უწოდებენ. კარიერის განმავლობაში მან თერთმეტი "გრემის" ჯილდო მიიღო და ერთდროულად რამდენიმე თაობის თაყვანისმცემელთა მოხიბვლაც შეძლო.

ელზა პერეტი

თუ ელზა პერეტის ფოტოებს თვალს გადაავლებთ ადვილად დაიჯერებთ რომ ის მოდელი იყო. სინამდვილეში კი, იტალიელი ლეგენდა წარმოუდგენელი სილამაზის სამკაულებს ქმნიდა და ის მსოფლიოში ერთი-ერთი ყველაზე გამორჩეული სამკაულების დიზაინერი იყო.

ქეით მოსი

ამ ცნობილი ბრიტანელი სუპერმოდელითა და 90-იანი წლების ვარსკვლავით აღფრთოვანებას დღესაც ვაგრძელებთ, მაგრამ ახალგაზრდობაში ის მართლაც გამორჩეულად კარგი იყო. ამ გოგონამ, რომელიც თავიდან მაღალი მოდისთვის შეუფერებლადაც კი ითვლებოდა, მოახერხა ეპოქის სიმბოლოდ ქცეულიყო.

სიგურნი უივერი

ცნობილი ამერიკელი მსახიობი სიგურნი უივერი ჰოლივუდის ვარსკვლავებისგან ყოველთვის გამოირჩეოდა. სწორედ ბუნებრიობა და გულწრფელობა დაეხმარა ვარსკვლავს მილიონობით თაყვანისმცემელთა გულებში წარუშლელი კვალი დაეტოვებინა.

ჯული ლონდონი

ჯული ლონდონი - ცნობილი მომღერალი გახლდათ, რომელმაც მშვენივრად იცოდა როგორ დაეპყრო მამაკაცები არა მხოლოდ თავისი უნაკლო სილამაზით. ჯული საოცრად მგრძნობიარე ხმის პატრონი იყო, რომელიც მსმენელზე ჰიპნოზის მსგავსად მოქმედებდა.

ჯენა დე როსნეი

ჯენა ცნობილი გახდა არა მხოლოდ როგორც მოდელი, არამედ როგორც გამოჩენილი სპორტსმენი. ის საიალქნო სპორტით იყო დაკავებული და რამდენჯერმე მსოფლიო ჩემპიონიც კი გახდა, როცა გოგონას ჟურნალებისა და ცალკეული ბრენდებისთვის ფოტოსესიებში მონაწილეობა მობეზრდა, ის საცურაო კოსტუმებისა და ჰიდროკოსტუმების დიზაინერი გახდა.

ნიკი ტეილორი

ნიკი პოპულარული ამერიკელი სუპერმოდელი გახლდათ, თუმცა წარსულის აღმნიშვნელი ზმნა მის პიროვნებასთან სრულიად შეუფერებელია: პოდიუმისა და ფოტოსესიების ნამდვილი ვარსკვლავი დღემდე უაღრესად მიმზიდველად გამოიყურება.