მიუხედავად იმისა, რომ კამერა უკვე დიდი ხანია რაც ჩვენი ყოველდღიურობისა და რეალობის განუყოფელ ნაწილად იქცა, მაინც გინდება მას ოდები დაუღალავად უმღერო! რადგანაც ფოტოგრაფიის ხელოვნება იმაზე ბევრად უფრო მეტია, ვიდრე უბრალოდ ლამაზი ფოტო, რაც არ უნდა უცნაურად ჟღერდეს ადამიანები საუკუნეების წინაც კი ახერხებდნენ მარტივი ტექნოლოგიების წყალობით უნიკალური კადრების დაჭერას და შემდეგ მრავალი წლით მათი თაობებისთვის შენახვას!

ასე გამოიყურებოდა ტოკიოს თევზის ბაზარი დაახლოებით 60 წლის წინ

აბა, ვინ გამოიცნობს ამ კაცის სახელს? კარგით, გიხსნით კარტებს. თქვენ წინაშეა ბრიუს უილისი, 1988 წელს მასში "კერკეტი კაკალის" დანახვა იოლი საქმე მართლაც რომ არ იყო

1895 წლის ტრაგიკული მოვლენა, მაშინ პარიზის სადგურ მონპარნასზე საშინელი ავარია მოხდა. ყველაზე გასაკვირი კი ის არის რომ ყველაფერი მსხვერპლის გარეშე დასრულდა

ელის კუპერი გრიმის გარეშე, 1974 წელი

ოსვენციმი, ბანაკი, რომლის სახელიც ადამიანებს დღესაც კი ჟრუანტელს ჰგვრის. ეს მის პატიმრებს უხარიათ, რომლებიც 1945 წლის იანვრის ბოლოს გაათავისუფლეს

ჯგუფ "Cannibal Corpse" - ის წევრები კომიკოსს ჯიმ ქერისთან ერთად, თუმცა 1994 წელს ის ჯერ კიდევ ისეთი პოპულარული არ იყო, როგორც დღეს არის

ანდრე გიგანტი მოდელებთან ერთად პოზირებისას. რესლერი და მსახიობი განსაკუთრებული პოპულარობით მეოცე საუკუნის 80-იან წლებში სარგებლობდა

იყო თუ არა სიცოცხლე ფოტოშოპამდე? 1920 წელს გამომგონებელმა დებმა აი ასეთი ფოტო გადაიღეს რათა ეჩვენებინათ, რომ მაღალი ტექნოლოგიების გარეშეც კი შესაძლებელია კამერით სასწაულების მოხდენა

შემთხვევითი გამვლელი გეებისა და ლესბოსელების აღლუმზე 28 წლის წინ, სიდნეი

ისტორიული მასშტაბის მოვლენა ამ სიტყვის სრული მნიშვნელობით. იალტის კონფერენცია და სამი ქვეყნის ლიდერი, რომელთა შეხსენებაც ვფიქრობ ზედმეტია

ისტორიაში არიან პიროვნებები, რომელთა დავიწყებაც უკეთესი იქნებოდა, მაგრამ ფოტოები ამის საშუალებას არ იძლევა. იქნებ ეს კარგიც კი იყოს: დაე, შთამომავლობამაც იცოდეს ყველაფერი, სერიული მკვლელის ეილინ ვუორნოსის სახე იმ დროს, როდესაც მას თითის ანაბეჭდებს უღებდნენ

და კვლავ ეპოქალური მოვლენა, ეს 1993 წელს მაიკლ ჯექსონის მოსკოვში ჩასვლაა

თქვენ წინაშეა ლეგენდა! ეს მარკ ტვენია, რომლის ნამდვილი სახელიც სამუელ კლემენსია. აი, ასე გამოიყურებოდა "ტომ სოიერის თავგადასავლის" ავტორი სიკვდილამდე ორი წლით ადრე

ეს დიდ ბრიტანეთში გადაღებული ფოტოა, რომელიც ყველაზე ნათელ მტკიცებულებად იქცა იმისა, თუ რამდენად დიდი იყო კლასობრივი სხვაობა გასული საუკუნის 30-იანი წლების ბოლოს ნისლიან ალბიონში

1933 წელი, მიუხედავად იმისა, რომ ისტორიაში არ შემორჩენილა იმ ბიჭის სახელი, რომელმაც ბუ მოათვინიერა, თუმცა ფოტო გასული წლების ატმოსფეროს მაინც შესანიშნავად გადმოსცემს