"ამომრჩეველთა განათლების საზოგადოების" (VES) დამფუძნებელი, თამარ ჩერგოლეიშვილი სახელმწიფოს მიერ ონკოლოგიური დიაგნოზის მქონე 300 ბავშვის მკურნალობის სრულ დაფინანსებასთან დაკავშირებით პრემიერ ღარიბაშვილის მთავრობის სხდომაზე გაკეთებულ განცხადებას სოციალურ ქსელში ეხმაურება და მთავრობის მეთაურს "სამარცხვინოს" უწოდებს:

ცნობისთვის, მთავრობის გადაწყვეტილებით, ონკოლოგიური დიაგნოზის მქონე 300 ბავშვის მკურნალობას სახელმწიფო სრულად დაფარავს. როგორც პრემიერ-მინისტრმა გუშინ მთავრობის სხდომაზე განაცხადა, ამისთვის, წელიწადში, დაახლოებით 30 მილიონი ლარი გამოიყოფა, თუმცა გაურკვეველი მიზეზების გამო აქონდროპლაზიის მქონე ბავშვები სახელმწიფოს მხრიდან კვლავ ყურადღების მიღმა რჩებიან.

ღარიბაშვილის განმარტებით, საქართველო მედიკამენტების დაფინანსებაზე უარს არ ამბობს, თუმცა საჭიროა მოცდა, რომ მათ შორის, ჯანდაცვის მსოფლიო ორგანიზაციამ აღნიშნული მედიკამენტის გამოყენებაზე რეკომენდაცია გასცეს, თუმცა რატომღაც პრემიერ ღარიბაშვილს ავიწყდება რომ აღნიშნულ პრეპარატს აშშ-ის წამლისა და საკვების ადმინისტრაციამ (FDA) და ასევე ევროპის წამლის სააგენტომ (EMA) ავტორიზაცია უკვე მისცა.

აღნიშნული პრეპარატი ევროპასა (აგვისტოში) და ამერიკაში 2021 (ნოემბერში) წელს იქნა დამტკიცებული. "ვიზოდორიტი" ევროპისა და ამერიკის გარდა, ასევე ბრაზილიაში, ავსტრალიასა და იაპონიაში ("VOXZOGO" is also approved in the EU, Brazil, and Australia in children with achondroplasia who are 2 years of age and older with open growth plates. It is also approved in Japan in children from birth who have achondroplasia with open growth plates. "Voxzogo " was approved in Europe in August 2021 and United States in November 2021 to treat achondroplasia, the most common form of dwarfism) გამოიყენება.

"სახელმწიფოს მედიკამენტების დაფინანსებაზე უარი არ უთქვამს. მინდა კარგად ავუხსნა საზოგადოებას და პირველ რიგში მშობლებს. მე მესმის მათი ემოციურობის და ნერვიულობის. ბოლო დღეების განმავლობაში ვინც არ არის ჩახედული ამ საკითხში, ასე წარმოაჩინეს საკითხი, რომ „მიეცით წამალი ბავშვს“. თითქოს წამალი რომ მივცეთ ჩვენ, მთავრობამ ყველაფერი შეიცვლება. იმასაც კადრულობენ, რომ თითქოს მათ სიცოცხლეს ემუქრება საფრთხე, რაც ძალიან დიდი ტყუილია.

ჩვენს გარშემო იცით ძალიან ბევრი, მეც რამდენიმე საერთო ნაცნობი მყავს, რომლის შვილიც იგივე დიაგნოზით მკურნალობს და მათ სიცოცხლეს საფრთხე არ ემუქრება. ძალიან ბევრი ცნობილი ადამიანი ვიცით მთელ მსოფლიოში, რომელიც წარმატებულია და მათი დისკრიმინაცია არ შეიძლება, ჩვენ ამაზე უნდა ვიყოთ მოწოდებული. რაც შეეხება ამ კონკრეტულ მედიკამენტს, სამწუხაროდ, მიწევს ვრცელი კომენტარის გაკეთება, რადგან ვატყობ, რომ მიუხედავად ამ კომპეტენტური, კვალიფიციური განმარტებებისა, არ არის საკმარისი და საჭიროებს პოლიტიკურ ახსნა-განმარტებას.

თქვენ იცით, რომ ეს წამალი გამოიგონა ერთ-ერთმა ამერიკულმა კომპანიამ და თვითონ ქვეყანა, სადაც ეს მედიკამენტი გამოიგონეს, ჯერ არ აფინანსებს ამ მედიკამენტს. გესმით, ხომ რა მარტივად არის საქმე?! ანუ ჯერ ელოდებიან მეოთხე ფაზის დასრულებას, კვლევებს, გვერდითი ეფექტების გამოვლენას და ამის შემდეგ იმედი გვაქვს, რომ ძალიან მალე გადაწყდება ეს საკითხი. დიდი ბრიტანეთი არის მეორე უზარმაზარი სახელმწიფო, მოწინავე ქვეყანა, რომელმაც დაიწყო ამ პროექტის დაფინანსება და შემდეგ შეაჩერა. ევროპაში მიმდინარეობს დისკუსია ამის თაობაზე, მე აღარ მინდა გავაგრძელო საუბარი, მაგრამ ძალიან მარტივად, რომ აგიხსნათ ქვეყანა, სადაც ეს წამალი გამოიგონეს, ის ქვეყანა თავად ჯერ არ აფინანსებს.